Болашақ заңгерлер емтиханды қалай тапсырады?
22 сәуір күні Қылмыстық-құқықтық пәндер кафедрасының меңгерушісі Шайхаденов Ренат Нұрлыбекұлы құқық қорғау қызметі және құқықтану мамандығының студенттері мен магистранттарына арналған әлеуметтік желілерде тікелей эфир өткізді.
Тікелей эфир «Көктемгі емтихан сессиясы», «Мемлекеттік қорытынды аттестаттау ұйымдастыру» тақырыбында жүргізілді. Ренат Нұрлыбекұлы алдағы болатын емтихандар уақыты мен нысандары туралы студенттер мен магистранттарға толық ақпарат берді.
Онлайн кездесу соңында студенттер өздерінің сұрақтарына тұшымды жауаптар алды. Қылмыстық-құқықтық пәндер кафедрасының меңгерушісі кез-келген уақытта студенттер мен магистранттардың ұсыныстары мен сұрақтарына жауап беруге дайын екенін білдіріп, жақында болатын емтихандарға сәттілік тіледі.
ПІКІРЛЕР