ХІІІ республикалық пән олимпиадасының алғашқы кезеңі басталды
22 сәуірде Х.Досмұхамедов атындағы Атырау университетінде «Қазақстан Республикасы жоғары оқу орындары студенттерінің арасында «Журналистика және ақпарат» даярлау бағыты бойынша ХІІІ республикалық пән олимпиадасы» өтті. Жыл сайын дәстүрлі форматта өткізілетін олимпиаданы ұйымдастыру мүмкіндігі осы жылы университетімізге ұсынылған болатын.
Олимпиаданың мақсаты - студенттердің журналистика, медиа саласындағы деңгейін анықтау, бейінін жетілдіру, танымын кеңейту. Әділқазы мүшелерінің қатарында Атырау облысының журналистика, филология, медиа саласындағы ең үздік мамандары болды.
Пәндік олимпиадаға ұсыныс білдірген 13 ЖОО студенттері жолдама алды. Алғашқы кезең – таныстыру бөлімі. Бұл кезеңде әр команда мүшелері өздерін, эмблемасын және арнайы дайындалған бейнероликтер көрсетілді. Әр команданың бұл кезеңдегі форматы да, дайындығы да ерекше әсер қалдырды.
Бірінші кезеңнің қорытындысында Қорқыт ата атындағы Қызылорда университеті мен Қожа Ахмет Яссауи университеті ең жоғары көрсеткішке ие болды. Екінші кезеңі – эссе жазу. Эссе жазу ережесі бойынша жұмыстар 700 жүз сөзден кем емес және антиплагиаттық тексерістен өткен жағдайда ғана қабылданады. Бұл кезең бойынша қорытынды кейін жарияланатын болады.
ПІКІРЛЕР