Халықаралық ғылыми-практикалық онлайн-конференция өтті

Халықаралық ғылыми-практикалық онлайн-конференция өтті

13 сәуірде Х.Досмұхамедов атындағы Атырау университетінде методолог, профессор, педагогика ғылымдарының докторы Әлия Мендешқызы Мұханбетжанованың 70 жылдығына арналған «XXI ҒАСЫРДЫҢ БІЛІМ БЕРУ ПАРАДИГМАСЫ: ЖАҢА ҮРДІСТЕР, ТӘСІЛДЕР МЕН ТЕХНОЛОГИЯЛАР» атты Халықаралық ғылыми-практикалық онлайн-конференция өтті.

Халықаралық ғылыми-практикалық онлайн-конференцияның мақсаты - қазіргі білім беру парадигмасының теориясы мен практикасын, білім беру қоғамдастығының алдында тұрған жаңа сын-қатерлерді талқылау, профессор Ә.Мұханбетжанованың ғылыми мұрасын пайымдау, жүйелеу және жинақталған тәжірибемен, жетістіктермен бөлісу.

Конференция барысында құттықтау сөз сөйлеп баяндама жасағандар қатарында, профессор, Х.Досмұхамедов атындағы Атырау университетінің Басқарма төрағасы – ректор Идрисов Саламат Нұрмұханұлы, профессор, М.Өтемісов атындағы Батыс Қазақстан университетінің Басқарма төрағасы – ректорының м.а. Серғалиев Нұрлан Хабибуллаұлы, педагогика ғылымдарының докторы, Әл-Фараби атындағы Қазақ ұлттық университетінің профессоры, ХПБҒА академигі Таубаева Шәркүл Таубайқызы, Абай атындағы Қазақ Ұлттық педагогикалық университетінің профессоры, педагогика кафедрасының меңгерушісі, педагогика ғылымдарының докторы, ПХҒА академигі Жампеисова Корлан Кабикенқызы, педагогика ғылымдарының докторы, Х.Досмұхамедов атындағы Атырау университетінің профессоры Барсай Бақыт Телжанқызы, педагогика ғылымдарының докторы, доцент, Ж.Досмұхамедов атындағы Жоғары педагогикалық колледжі директоры Бахишева Светлана Мендыгалиқызы, педагогика ғылымдарының кандидаты, қауымдастырылған профессор, Х.Досмұхамедов атындағы Атырау университетінің жастар саясаты және әлеуметтік мәселелер жөніндегі проректоры Қойшығұлова Ляйля Ерболатқызы, М.Өтемісов атындағы Батыс Қазақстан университетініңБасқарма төрағасының орынбасары – ғылыми жұмыс және халықаралық байланыстар жөніндегі проректор, география ғылымдарының кандидаты, қауымдастырылған профессор Ахмеденов Кажмұрат Максотұлы және PhD докторы,Х.Досмұхамедов атындағы Атырау университетінің ғылым және халықаралық байланыстар жөніндегі проректоры Батрышев Дидар Ғалымұлы болды. Сонымен қатар, конференцияға шетелдік профессорларда белсенді түрде қатысып, «Инклюзивті білім беру мұғалімдердің кәсіби дамуы мен өзін-өзі дамытуының сынағы ретінде», «Студенттердің денсаулықты сақтау құзыреттілігі жоғары оқу орнында мамандарды даярлау сапасының көрсеткіші ретінде», «Қазіргі білім беру жүйесіндегі акмеологияның болашағы», «Қазақстанның педагогикалық ғылымының даму тарихынан», «ЖОО-да оқытудың цифрлық моделіне профессор оқытушылар құрамын ұйымдастыру және бейімдеу мәселесі» атты тақырыптар бойынша түсінідіріп, баяндама жасады.

Ғылыми-практикалық конференция төрт секциялық бағытта жүргізілді. Атап айтар болсақ, тұлғалық-бағдарлы және құзыреттілік білім берудің әдіснамасы мен әдістері. Профессор Ә.Мұханбетжанованың ғылыми-педагогикалық мұрасы, білім беру мазмұны мен нәтижелерін жобалауда ғылым, білім және практиканы интеграциялау, білім берудегі өзгерістер жағдайында мұғалімнің кәсіби дамуы және өзін-өзі дамыту мәселелері мен перспективалары және қашықтан білім беру технологияларын қолдану педагогикалық және басқару іс-әрекетін цифрлық кеңістікте жетілдіру.

 

 

 

 

 

ПІКІРЛЕР

Тізімге қайта оралу