12.04.2021 114

12 сәуірде университетіміздің Басқарма төрағасы-ректор Саламат Нұрмұханұлы профессор, филология ғылымдарының кандидаты Камелова Сәния Ибрагимқызын қабылдап, мерейлі жасымен құттықтады.   

Оқу ордасының дамуына өзіндік үлесін қосқан тәжірибелі ұстаз өзінің еңбек жолында Орыс филологиясы кафедрасының аға оқытушысы деңгейінен бастап кафедра меңгерушісі, Гуманитарлық факультеттің деканына дейін көтерілді. 

Салтанатты шараға Орыс филологиясы кафедрасы ұжымы мен әріптестері қатысып, құттықтау лебіздері мен ақжарма тілектерін жеткізді. 

Мерейтой иесі шара соңында өзінің жүрекжарды сөздерін арнап, мол тәжірибе мен ізденіске толы еңбек жолдарын өткізген университет ұжымына алғысын білдірді.

Алпыс жастың асуын бағындырған Сәния Ибрагимқызына зор денсаулық, өнегелі ғұмыр, шексіз ырыс пен молшылық, несібе-дәулетіңіздің артуын тілейміз!

Тізімге қайта оралу