Университет басшылары ғылым күніне орай брифинг өткізді
12 сәуірде Өңірлік коммуникациялар қызметі алаңында Ғылым қызметкерлері күніне орай Х.Досмұхамедов атындағы Атырау университеті КеАҚ басқарма төрағасы-ректоры Идрисов Саламат Нұрмұханұлы мен Ғылым және халықаралық қатынастар жөніндегі проректоры Батрышев Дидар Ғалымұлы «Университеттің ғылыми қызметінің өңірдегі экологиялық және әлеуметтік-экономикалық ахуалды зерттеу әлеуеті» тақырыбында онлайн брифинг өткізіп, журналистер мен әлеуметтік желі қолданушылардың сұрақтарына жауап берді.
Брифинг барысында егер табиғатқа – ауа, жер (топырақ), суға зиянды заттар төгілсе, университет сынамалар алып, тәуелсіз зерттеу жүргізе ала ма, оны зерттейтін зертханалар бар ма, Университет ғалымдарының Атыраудың экологиялық ахуалын зерттеу, жақсартуға арнаған жобалары бар ма, өңірдің ғылыми орталығы болуды жүзеге асыра алатын оқу орнының кадрлық әлеуеті қандай, пандемияға байланысты онлайн оқытуда студенттердің зертханалық жұмыстары қалай ұйымдастырылуда және тағы басқа сұрақтар қойылып, нақты жауап берілді.
ПІКІРЛЕР