Музыка мен өнердің өресінде – 40 жыл

Атырау мемлекеттік университетінде «Музыка және өнер» кафедрасының құрылғанына 40 жылдық мерейтойына орай «Өнер мен музыкалық педагогиканың өзекті мәселелері: дәстүрлер, инновациялар» тақырыбына Халықаралық ғылыми-тәжірибелік конференциясының салтанатты ашылуы болып өтті.

Конференцияның басты мақсаты - аймақтағы музыка саласының мамандарының білімін жетілдіру, халықаралық тәжірибемен алмасу және қатысушылар мен оқытушылардың кәсіби шеберлігін арттыру, жас  мамандардың музыкалық біліктіліктерін шыңдап, әрі қарай кәсіби өсуіне мүмкіндіктер беріп және де өзімен бірге шығармашылық табыстан үлкен әсер алып кететіне ықпал ету болып табылады. Халықаралық конференцияға Қызылорда, Орал, Ақтөбе, Ақтау қалаларынан, Атырау мен Маңғыстау облыстарынан 100-ден аса қатысушылар мен қонақтар қатысты. Халықаралық ғылыми-тәжірибелік конференциясының құрметті қонақтары: Қазақстанның еңбек сіңірген артисі, күйші Айгүл Үлкенбаева, Қазақстанның еңбек сіңірген қайраткері, дәстүрлі әнші Сәуле Жанпейісова, Қазақстанның еңбек сіңірген қайраткері, Мемлекеттік сыйлықтың иегері, опера әншісі Шахмардан Абилов, Педагогика ғылымдарының докторы, профессор Р.Қ. Дүйсембинова және Ресейден келген қонақ, Астрахан мемлекеттік консерваториясының профессоры, хор дирижері Л.И.Егоровтар болды. «Өнер мен музыкалық педагогиканың өзекті мәселелері: дәстүрлер, инновациялар» атты Халықаралық ғылыми-тәжірибелік конференциясын Атырау университетінің ғылым жөніндегі проректоры, педагогика ғылымдарының кандидаты Саламат Идрисов құттықтау сөз сөйлеп ашып, барлық келген қонақтар мен қатынасушыларға «қош келдіңіздер» айтты. Одан соң, Халықаралық ғылыми конференцияның жұмысы Атырау университетінің Акт залында жоғарыда аты аталған өнер қайраткерлерінің «Музыка және өнер» кафедрасының студенттерімен бірлескен салтанатты концертіне ұласты. Осы салтанатты кеште кафедра оқытушылары С.Әжікеннің, Т.Сүйінғаринаның, Қ.Кипиевтің, Г.Жақсиеваның орта және ЖОО оқу бағдарламасы үшін маңызы жоғары оқу-әдістемелік, ноталық, ғылыми кітаптарының тұсаукесері өткізілді.

ПІКІРЛЕР

Тізімге қайта оралу

Үміткерлер арасында дебат өтті

26 Сен 2022 26

                      

Тәлімгерлік жоба тұжырымдамасы өз жұмысын бастады

26 Сен 2022 44