Жаса, Наурыз, Дәстүрлі!
18 наурыз күні Х.Досмұхамедов атындағы Атырау университеті Инновациялық білім беру факультетінің ұйымдастыруымен Ұлыстың ұлы күніне орай «Жаса, Наурыз, Дәстүрлі» атты мерекелік шара өтті.
14-22 наурыз аралығында Наурыз мерекесіне орай онкүндік негізінде өткізілген бұл шараның негізгі мақсаты – Наурыз мейрамының тәрбиелік мәнін, еліміздегі ынтымақ пен бірліктің, ұлттық салт-санамыздың, мызғымас татулықтың тәуелсіздігімізді баянды етуге тигізер пайдасы мен әсерін түсіндіру. Мерекелік іс-шара барысында ұлттық құндылықтарды дәріптеу мақсатында ұлттық киімдерді киіп, салт-дәстүрлерді жаңғырту мақсатында жас ұрпаққа Ұлыс күнінің маңызы жөнінде өсиет, өнеге айтылды. Наурыз көже таратылып, ұлттық тағамдардан дастархан жайылды.
«Жаса, Наурыз, Дәстүрлі» атты мерекелік шарада ұйымдастырылған бесікке салу рәсімін педагогика ғылымдарының кандидаты, профессор Р.Қаражігітова жасаса, тұсау кесу рәсімін университет шәкірті, ҚР Экология, геология және табиғи ресурстар министрі министрінің кеңесшісі, қоғам қайраткері Сәрсенбай Құрманұлы Еңсегенов кесіп, жүрекжарды тілегін білдірді.
Шараны әрі қарай факультет белсенділері концерттік шарамен жалғастырып, «Мандарин» театры театрландырылған қойылымдарын көпшілік қауымға тарту етті.
ПІКІРЛЕР