Музейдегі пікірсайыс

Музейдегі пікірсайыс

Музейдегі пікірсайыс

Атырау облысы тарихи-өлкетану музейі жанынан құрылған «Хиуаз» патриоттық клубының ұйымдастыруымен Халық қаһарманы Хиуаз Доспанованың 95 жылдығына орай мектеп оқушылары арасындағы музей кубогы үшін қалалық пікірсайыс өткізілді.

Турнир басталмас бұрын Атырау облысының тарихи-өлкетану мұражайының басшысы Рашида Харипова мен сайысқа қатысушылар Х.Доспанова ескерткішіне гүл шоқтарын қойып, тағзым етті. Пікірсайысқа сегіз команда қатысты. Пікірсайыс барысында оқушылар өздерінің тапқырлықтарын, ізденімпаз екендерін, өз ойларын анық жеткізе алатындарын көрсете алды. №31 орта мектеп лицейінің «Ais» фракциясы музей кубогына ие болды. №34 лингвистикалық мектеп-гимназиясынан «Еуразия» командасы екінші және №27 И.Тайманов атындағы орта мектебінің «Исатай жастары» командасы үшінші орынға жайғасты. «Үздік спикер» атағы №34 лингвистикалық мектеп-гимназиясының «Еуразия» командасының спикері – Жұлдыз Нышанбаева иеленді. «Үздік төреші» номинациясы бойынша «Сенатор» пікірсайысы клубының мүшесі Абай Қасымов марапатталды. Жеңімпаздарға облыстық мәдениет, мұрағаттар және құжаттама басқармасының арнайы дипломдары мен музей кубогы табыс етіліп, барлық қатысушыларға Алғыс хаттар берілд

і.

ПІКІРЛЕР

Тізімге қайта оралу

«Жеріне ие болмаса, ел баласы бола ма?»

30 Окт 2018 3

Рухани жаңғыру елдің ұлттық түп-тамырынан басталуы қажет. Бұл ретте Елбасының алға қойған мақсат-міндеттерін іске асыруда бүкіл шығармасын Атырау топырағын дәріптеуге, оның географиялық атауларын жан-жақты танытуға арнаған Мұрат Мөңкеұлының мұрасынан айналып өту мүмкін емес. Осы тұрғыда жыраудың туғанына 175 жыл толуына арналған Х.Досмұхамедов атындағы Атырау мемлекеттік университетінде өткен «Мұрат Мөңкеұлының мұрасы және туған жер идеясы» республикалық ғылыми-теориялық конференциясында белгілі зерттеуші ғалымдар бас қосты. Ақынның тарихи тұлғасын айқындауда тың пайымдар айтылып, жаңаша көзқарастар ұсынылды. Мұрат Мөңкеұлының шығармаларындағы туған жер идеясы заман талабы биігінен қайта зерделенген баяндамалар тыңдалды.

Атырауда білім беру саласы қызметкерлерінің кәсіби мерекесі атап өтілді

30 Окт 2018 1

Атырауда білім беру саласы қызметкерлерінің кәсіби мерекесі атап өтілді. Х.Досмұхамедов атындағы Атырау мемлекеттік университетінің «Жайық» спорт кешенінде білім беру саласының жүздеген мұғалімдері мен ардагерлері жиналды, деп хабарлайды өңірлік коммуникациялар қызметі.

Мақсат – айқын, міндет – зор

30 Окт 2018 2

Халықаралық қатынастар мамандығы бойынша білім алып жатқан атыраулық студенттердің елшіліктерде тәжірибеден өтуге мүмкіндігі бар. Осы орайда Сыртқы істер министрлігі аталған салаға қызығушылық танытқан жастарға бағыт-бағдар беруге дайын. Мұнайлы өңірге жұмыс сапарымен келген Сыртқы істер министрлігінің жауапты хатшысы Ермек Көшербаев кездесу барысында жас буын өкілдерін ведомоствомен тығыз қарым-қатынас орнатуға шақырды. Сондай-ақ, ол «Азаматтық орталықта» болып, үкіметтік емес ұйым өкілдерімен еркін форматта жүздесіп, азаматтық қоғам құрудың маңызы жөнінде кеңінен әңгімеледі.

Елбасы атыраулық студенттермен кездесті

24 Авг 2018 71

Мемлекет басшысы «ҚазТрансОйл» компаниясы «Бес әлеуметтік бастаманы» жүзеге асыру барысында Атырау мемлекеттік университетіне сыйға тартқан жаңа Студенттер үйінің ғимаратымен танысты, деп хабарлайды Ақорданың баспасөз қызметі.