ҰБТ: Сұрақ азайып, уақыт көбейді

ҰБТ: Сұрақ азайып, уақыт көбейді

Сол өзгерістер жөнінде Х.Досмұхамедов атындағы Атырау мемлекеттік университетінде Ұлттық тестілеу орталығының директоры Рамазан Әлімқұлов түсіндірме жұмыстарын өткізді.

Сол өзгерістер жөнінде Х.Досмұхамедов атындағы Атырау мемлекеттік университетінде Ұлттық тестілеу орталығының директоры Рамазан Әлімқұлов түсіндірме жұмыстарын өткізді. Түлектердің қорытынды аттестациясының өткі-зілуі және жоғары оқу орындарына түсу ерекшеліктері туралы кеңінен түсіндірді.


Біріншіден, қорытынды аттестаттау қалай өтеді? Бұл сынақ оқушының «еті үйренген» өз мектебінде ұйымдастырылып, аттестат алу үшін тест тапсырылады. Содан кейін оқушылардың өздері қызығушылық танытса, жоғарғы оқу орнына, грантқа түсем десе  өз қалауымен ҰБТ тапсырады.

Екіншіден, тестілеудегі сұрақтар бойынша қандай жеңіл-діктер бар? Атап айтсақ, бұрын Ұлттық  бірыңғай  тестілеуде 125 сұрақ болса, жаңа форматта бес пәннен 120 сұрақ болады.

Үшіншіден, колледж бітірушілердің жаңа әдістемесі қандай болады? Егер колледж бітіргендер жоғары оқу орнына түскен жағдайда өзінің бұрынғы мамандығын таңдаса, ҰБТ-да 60 сұраққа жауап береді. Яғни, бұл талапкер колледжді педагогика мамандығымен тәмамдап, жоғары оқу орнына түсерде осы мамандығын таңдаса ғана жүзеге асады. Ал, қазақ тілі мамандығын тәмамдап, жоғары оқу орнына заңгер мамандығына түскісі келсе, онда 120 сұраққа жауап беруге тура келеді.

Төртінші жаңалық, мектеп бітірген соң ҰБТ тапсыра алмай қалған оқушыларға тамыз айында қайта тапсыруға екінші мүмкіндік беріледі. Егер оқушы тамыз айында тапсырған тестіден де өте алмай қалса, шартты келісім бойынша қаңтар айына дейін оқу ақысын төлеп, жоғары оқу орнында  оқуын бастай беруіне болады. Кейін бірінші курсының екінші жартыжылдығында қайтадан үшінші рет ҰБТ тапсыруға мүмкіндік беріледі. Осы орайда орталық директоры биылғы қаңтар айында ҰБТ тапсыру нәтижесімен тиісті ұпай жинай алмай, кейін тамызда қайта тапсырып түсе алмай қалған 17 мың студентті жоғары оқу орындары қабылдағанын айтты.

— Бізден «үшінші рет тапсыра алмай қалсақ қайтеміз?» деп сұрайтындар бар. Қазір барлық жоғары оқу орнында несиелік жүйемен оқытылады. Төлеп оқыған ақшалары босқа кетпейді. Талапкер келесі оқуға түссе немесе басқа жерде оқуын жалғастырған жағдайда төлеген ақшасы несиелік жүйе бойынша саналады. Сондай-ақ, ҰБТ-ға бұрын үш сағат 30 минут берілсе, биыл тағы 20 минут артық уақыт бөлініп отыр. Уақытын одан да ұзартып, же-ңілдіктерді көбейте берсек, тестінің мәні кетеді, — дейді ол.

Мектеп бітірушілердің жаңа форматтағы ҰБТ-ға дайындығын анықтау, олардың білім деңгейлерін тәуелсіз бағалау мақсатында 11-ші сынып оқушылары үшін Ұлттық тестілеу орталығының www.testcenter.kz. сайтында тестілеудің жаңа форматы бойынша онлайн тест тапсырмалары енгізілді.

Байқау сынағынан өту барысында оқушы ҰБТ-да пайдаланылатын тест тапсырмаларымен танысуға және таңдаған пәні бойынша білім деңгейін тексеруге мүмкіндік алады.

P.S. Екі сағатқа созылған келелі жиын соңында Ұлттық тестілеу орталығы мен  Х.Досмұхамедов атындағы Атырау мемлекеттік университеті арнайы меморандумға қол қойды. Енді бұл құжатқа сай аталмыш оқу орны сынаққа 52 мың дана дайындық кітапшаларын шығарады. Бұл кітапшалар Атырау қаласынан бөлек, Маңғыстау, Батыс Қазақстан, Ақтөбе облыстарына таратылады. Айта кетейік, Атырау облысы бо-йынша 4491 түлек мектеп бітіреді деп күтілуде.

ПІКІРЛЕР

Тізімге қайта оралу

«Жеріне ие болмаса, ел баласы бола ма?»

30 Окт 2018 15

Рухани жаңғыру елдің ұлттық түп-тамырынан басталуы қажет. Бұл ретте Елбасының алға қойған мақсат-міндеттерін іске асыруда бүкіл шығармасын Атырау топырағын дәріптеуге, оның географиялық атауларын жан-жақты танытуға арнаған Мұрат Мөңкеұлының мұрасынан айналып өту мүмкін емес. Осы тұрғыда жыраудың туғанына 175 жыл толуына арналған Х.Досмұхамедов атындағы Атырау мемлекеттік университетінде өткен «Мұрат Мөңкеұлының мұрасы және туған жер идеясы» республикалық ғылыми-теориялық конференциясында белгілі зерттеуші ғалымдар бас қосты. Ақынның тарихи тұлғасын айқындауда тың пайымдар айтылып, жаңаша көзқарастар ұсынылды. Мұрат Мөңкеұлының шығармаларындағы туған жер идеясы заман талабы биігінен қайта зерделенген баяндамалар тыңдалды.

Атырауда білім беру саласы қызметкерлерінің кәсіби мерекесі атап өтілді

30 Окт 2018 5

Атырауда білім беру саласы қызметкерлерінің кәсіби мерекесі атап өтілді. Х.Досмұхамедов атындағы Атырау мемлекеттік университетінің «Жайық» спорт кешенінде білім беру саласының жүздеген мұғалімдері мен ардагерлері жиналды, деп хабарлайды өңірлік коммуникациялар қызметі.

Мақсат – айқын, міндет – зор

30 Окт 2018 5

Халықаралық қатынастар мамандығы бойынша білім алып жатқан атыраулық студенттердің елшіліктерде тәжірибеден өтуге мүмкіндігі бар. Осы орайда Сыртқы істер министрлігі аталған салаға қызығушылық танытқан жастарға бағыт-бағдар беруге дайын. Мұнайлы өңірге жұмыс сапарымен келген Сыртқы істер министрлігінің жауапты хатшысы Ермек Көшербаев кездесу барысында жас буын өкілдерін ведомоствомен тығыз қарым-қатынас орнатуға шақырды. Сондай-ақ, ол «Азаматтық орталықта» болып, үкіметтік емес ұйым өкілдерімен еркін форматта жүздесіп, азаматтық қоғам құрудың маңызы жөнінде кеңінен әңгімеледі.

Елбасы атыраулық студенттермен кездесті

24 Авг 2018 78

Мемлекет басшысы «ҚазТрансОйл» компаниясы «Бес әлеуметтік бастаманы» жүзеге асыру барысында Атырау мемлекеттік университетіне сыйға тартқан жаңа Студенттер үйінің ғимаратымен танысты, деп хабарлайды Ақорданың баспасөз қызметі.