Төлеген Айбергеновтың 80 жылдығына орай поэзия кеші өтті

Төлеген Айбергеновтың 80 жылдығына орай поэзия кеші өтті

«Ақжелкен» шығармашылық орталығы «Жерұйық» мәдени бірлестігінің «Елсана» руханият клубында Атырау қалалық №11 Ы.Алтынсарин атындағы орта мектебінің ұйымдастыруымен ақын Төлеген Айбергеновтың туғанына 80 жыл толуына орай «О, адамдар, біргемін мен сендермен!» тақырыбында поэзия кеші өтті.

Қарақалпақстанда туып, Ташкент қаласындағы Низами атындағы университет түлегі атанған ақын жырлары атакүлдікке деген сағынышқа толы.

О, менің мәңгі басар нық тұрағым,

Қалайша махаббатымды ұқтырамын?!

Мен сенің ақ төсіңе шаңқай түсте,

Көлеңкем түспесін деп тік тұрамын,-деген ақын атажұртына мәңгілік махаббатын арнағаны кәміл. Оған оның жырлары айғақ. Бүкіл он сегіз мың ғаламды, адам баласын шын жүрегімен сүйе білген ақын өзінің «О, адамдар» өлеңінде:

Мен сендердің жалғыз тал қауырсының,

Көп тағдырдың көтерген ауыр сынын,-деп толғанады.

Поэзия кешіне «Елсана» руханият клубының төрағасы, экономика ғылымдарының докторы Бақтыбек Таубаев, өлке тарихын зерттеуші, жазушы Өтепберген Әлімгереев, Халықаралық қазақ тілі қоғамы Атырау облыстық филиалының төрағасы Әбілхан Сейтімов қатысып, ақын туралы естеліктер айтты.

Ы. Алтынсарин орта мектебі ұстаздары мен оқушылары Төлеген Айбергенов өмірінен сахналық қойылым дайындап, ақын өлеңдерін нақышына келтіріп жатқа оқыды. Шараның көпшілікке берері мол.

Гүлзада НИЕТҚАЛИЕВА

ПІКІРЛЕР

Тізімге қайта оралу

Ұлттық өрлеу ұйытқысы

29 Фев 2024 14

Жарияланған : Облыстық қоғамдық - саяси “Атырау” газеті, 29 ақпан, 2024 жыл, №9 (20 822)

Автор : Сағымбай Жұмағұл, Л.Н.Гумилев атындағы ЕҰУ профессоры, филология ғылымдарының докторы

"ҚАРИЯҒА ҚҰРМЕТ"

27 Фев 2024 14

Жариялаған : Атырау университетінің көптілді білім беру факультеті, "шетел тілін оқыту әдістемесі" кафедрасы

Толығырақ : https://www.facebook.com/share/v/5VoFdVYTc36mWzDg/?mibextid=WC7FNe

"Ne deimiz ?" бағдарламасы : Жасөспірімдердің өтпелі кезеңі

26 Фев 2024 24

Жариялаған : Атырау ТВ телеарнасы

Толығырақ бейнематериалда : https://youtu.be/X0jb_Zz8gEE?si=w060gCycpEplXOR2