КАСПИЙ МАҢЫ ЕЛДЕРІНДЕГІ МЕМЛЕКЕТТІК УНИВЕРСИТЕТТЕРДІҢ ӨКІЛДЕРІ БАС ҚОСТЫ

КАСПИЙ МАҢЫ ЕЛДЕРІНДЕГІ МЕМЛЕКЕТТІК УНИВЕРСИТЕТТЕРДІҢ ӨКІЛДЕРІ БАС ҚОСТЫ

Атырауда «Ақылдарды тоғыстырып, байланыстарды нығайту» деген тақырыппен Каспий маңы елдерінің мемлекеттік университеттері ассоциациясының мерейлі ХХ бас ассамблеясы өтті. Аталған қауымдастық құрамындағы 50-ден аса жоғары оқу орнының өкілдері салтанат сарайында бас қосты.

Атырауда «Ақылдарды тоғыстырып, байланыстарды нығайту» деген тақырыппен Каспий маңы елдерінің мемлекеттік университеттері ассоциациясының мерейлі ХХ бас ассамблеясы өтті. Аталған қауымдастық құрамындағы 50-ден аса жоғары оқу орнының өкілдері салтанат сарайында бас қосты. Жиынға облыс әкімі Нұрлан Ноғаев қатысып, өзінің құттықтау лебізін жеткізді.

«Бұл – өңір үшін елеулі оқиға. Ол көршілес, әрі тарихи тағдырлас мемлекеттердің ежелден қалыптасқан достық қарым-қатынасына тың серпін берері сөзсіз. Мұнда экономикалық, экологиялық және басқа да саладағы келелі мәселелер көтеріліп, ортақ шешімін табады деп сенемін. Қоғамымыз өсіп-өркендесін десек, бәсекеге қабілетті болуымыз керек. Міне, осы орайда, жоғары оқу орындарының атқарар ролі зор болмақ. Сондықтан, Каспий маңы елдерінің университеттерінің арасында тығыз байланыс орнату өте маңызды», — деді аймақ басшысы.

Одан кейін ҚР Білім және ғылым министрлігі Халықаралық ынтымақтастық департаменті директорының орынбасары Ақерке Абылайхан, Иран Ислам мемлекетінің Ғылыми-зерттеу және технология Министрлігі Халықаралық ынтымақтастық орталығының директоры Фараджуллах Талеби, Астрахань мемлекеттік техникалық университетінің Халықаралық ынтымақтастық жөніндегі проректоры, профессор Сергей Виноградов және басқа да шетелден келген қатысушылар баяндама жасады.

Жиыннан соң пленарлық мәжіліс, «Жоғары білім беру саласындағы жобалық менеджмент» тақырыбында ректорлар саммиті, Х.Досмұхамедов атындағы Атырау мемлекеттік университетінен Иран мәдениеті мен тілі орталығының ашылу салтанаты өтті. Сонымен қатар, аталған қауымдастықтың ғылыми ынтымақтастығы және зерттеулері тоғысқан «САРSCORE» – Каспий порталы жобасының тұсауы кесілді.

Гүлзада Қожабергенқызы

Атырау облысы

Дереккөз: nehabar.kz

ПІКІРЛЕР

Тізімге қайта оралу

«Жеріне ие болмаса, ел баласы бола ма?»

30 Окт 2018 15

Рухани жаңғыру елдің ұлттық түп-тамырынан басталуы қажет. Бұл ретте Елбасының алға қойған мақсат-міндеттерін іске асыруда бүкіл шығармасын Атырау топырағын дәріптеуге, оның географиялық атауларын жан-жақты танытуға арнаған Мұрат Мөңкеұлының мұрасынан айналып өту мүмкін емес. Осы тұрғыда жыраудың туғанына 175 жыл толуына арналған Х.Досмұхамедов атындағы Атырау мемлекеттік университетінде өткен «Мұрат Мөңкеұлының мұрасы және туған жер идеясы» республикалық ғылыми-теориялық конференциясында белгілі зерттеуші ғалымдар бас қосты. Ақынның тарихи тұлғасын айқындауда тың пайымдар айтылып, жаңаша көзқарастар ұсынылды. Мұрат Мөңкеұлының шығармаларындағы туған жер идеясы заман талабы биігінен қайта зерделенген баяндамалар тыңдалды.

Атырауда білім беру саласы қызметкерлерінің кәсіби мерекесі атап өтілді

30 Окт 2018 5

Атырауда білім беру саласы қызметкерлерінің кәсіби мерекесі атап өтілді. Х.Досмұхамедов атындағы Атырау мемлекеттік университетінің «Жайық» спорт кешенінде білім беру саласының жүздеген мұғалімдері мен ардагерлері жиналды, деп хабарлайды өңірлік коммуникациялар қызметі.

Мақсат – айқын, міндет – зор

30 Окт 2018 5

Халықаралық қатынастар мамандығы бойынша білім алып жатқан атыраулық студенттердің елшіліктерде тәжірибеден өтуге мүмкіндігі бар. Осы орайда Сыртқы істер министрлігі аталған салаға қызығушылық танытқан жастарға бағыт-бағдар беруге дайын. Мұнайлы өңірге жұмыс сапарымен келген Сыртқы істер министрлігінің жауапты хатшысы Ермек Көшербаев кездесу барысында жас буын өкілдерін ведомоствомен тығыз қарым-қатынас орнатуға шақырды. Сондай-ақ, ол «Азаматтық орталықта» болып, үкіметтік емес ұйым өкілдерімен еркін форматта жүздесіп, азаматтық қоғам құрудың маңызы жөнінде кеңінен әңгімеледі.

Елбасы атыраулық студенттермен кездесті

24 Авг 2018 78

Мемлекет басшысы «ҚазТрансОйл» компаниясы «Бес әлеуметтік бастаманы» жүзеге асыру барысында Атырау мемлекеттік университетіне сыйға тартқан жаңа Студенттер үйінің ғимаратымен танысты, деп хабарлайды Ақорданың баспасөз қызметі.