Атырауда бесінші сыныптан бастап университетте оқуға болады

Атырауда бесінші сыныптан бастап университетте оқуға болады

Х. Досмұхамедов атындағы Атырау мемлекеттік университеті Қазақстанда баламасы жоқ бірегей жобаны іске қосты. Аталған оқу орны базасында жұмыс істейтін Kids University – Балалар Университеті 5-11 сынып оқушылары үшін қызмет етеді. Бұдан бөлек, университетте жұмысын бастаған «FavLabAtyrau» цифрлық зертханасы жас ғалымдар үшін жаңа технологиялық мүмкіндіктер сыйлап отыр.

Бұл туралы «Нұр Отан» партиясы Атырау облыстық филиалының Саяси кеңес бюросында есеп берген «Бірлік» бастауыш партия ұйымының төрағасы, Х. Досмұхамедов атындағы Атырау мемлекеттік университетінің ректоры Абзал Талтенов мәлім етті.

Баяндамашының айтуынша, балалар мен жастар арасында ғылыми-техникалық шығармашылықты дамыту мақсатында Атырау облысының он мектебіне «Робототехника лабораториясы» сыйға тартылған. «Бір ғана, «Жастар Отанға» жобасы аясында, «Табысқа жету төлқұжаты» халықаралық бағдарламасы негізінде университеттің бес студенті Гейдар Әлиев атындағы шәкіртақыны иеленді. Ал, «Шеврон» компаниясының «Жастар жаңа шыңдарға» атты жобалар көрмесіне белсене қатынасқан төрт студентке халықаралық сертификат табысталды» деп атап өтті «Бірлік» бастауыш партия ұйымының төрағасы Абзал Талтенов.

Жиын барысында «Нұр Отан» партиясы Атырау облыстық филиалының Саяси кеңесі құрамына да бірқатар өзгерістер енгізілді. Кеңес құрамын «Атырау-Ақпарат» ЖШС директоры Баязи Әбдешов пен Құрманғазы ауданы, Еңбекші ауылдық округінің әкімі Қанат Ғаббасов толықтырды. Саяси кеңес мәжілісін қорытындылаған аймақ басшысы, «Нұр Отан» партиясы Атырау облыстық филиалының төрағасы Нұрлан Ноғаев бастауыш партиялар ұйымының сапалық құрамын жақсартуды тапсырды.

– «Жас Отан» жастар қанатының жұмысы, партияның қоғамдық қабылдау және азаматтардың өтініштерін дер кезінде қанағаттандыру мәселелерін белсенді түрде жалғастыру қажет, – деп атап өтті облыс әкімі Нұрлан Ноғаев.

Баян ЖАНҰЗАҚОВА.

Суреттерді түсірген Ерлан АЛТЫБАЕВ.

ПІКІРЛЕР

Тізімге қайта оралу

«Жеріне ие болмаса, ел баласы бола ма?»

30 Окт 2018 14

Рухани жаңғыру елдің ұлттық түп-тамырынан басталуы қажет. Бұл ретте Елбасының алға қойған мақсат-міндеттерін іске асыруда бүкіл шығармасын Атырау топырағын дәріптеуге, оның географиялық атауларын жан-жақты танытуға арнаған Мұрат Мөңкеұлының мұрасынан айналып өту мүмкін емес. Осы тұрғыда жыраудың туғанына 175 жыл толуына арналған Х.Досмұхамедов атындағы Атырау мемлекеттік университетінде өткен «Мұрат Мөңкеұлының мұрасы және туған жер идеясы» республикалық ғылыми-теориялық конференциясында белгілі зерттеуші ғалымдар бас қосты. Ақынның тарихи тұлғасын айқындауда тың пайымдар айтылып, жаңаша көзқарастар ұсынылды. Мұрат Мөңкеұлының шығармаларындағы туған жер идеясы заман талабы биігінен қайта зерделенген баяндамалар тыңдалды.

Атырауда білім беру саласы қызметкерлерінің кәсіби мерекесі атап өтілді

30 Окт 2018 5

Атырауда білім беру саласы қызметкерлерінің кәсіби мерекесі атап өтілді. Х.Досмұхамедов атындағы Атырау мемлекеттік университетінің «Жайық» спорт кешенінде білім беру саласының жүздеген мұғалімдері мен ардагерлері жиналды, деп хабарлайды өңірлік коммуникациялар қызметі.

Мақсат – айқын, міндет – зор

30 Окт 2018 5

Халықаралық қатынастар мамандығы бойынша білім алып жатқан атыраулық студенттердің елшіліктерде тәжірибеден өтуге мүмкіндігі бар. Осы орайда Сыртқы істер министрлігі аталған салаға қызығушылық танытқан жастарға бағыт-бағдар беруге дайын. Мұнайлы өңірге жұмыс сапарымен келген Сыртқы істер министрлігінің жауапты хатшысы Ермек Көшербаев кездесу барысында жас буын өкілдерін ведомоствомен тығыз қарым-қатынас орнатуға шақырды. Сондай-ақ, ол «Азаматтық орталықта» болып, үкіметтік емес ұйым өкілдерімен еркін форматта жүздесіп, азаматтық қоғам құрудың маңызы жөнінде кеңінен әңгімеледі.

Елбасы атыраулық студенттермен кездесті

24 Авг 2018 78

Мемлекет басшысы «ҚазТрансОйл» компаниясы «Бес әлеуметтік бастаманы» жүзеге асыру барысында Атырау мемлекеттік университетіне сыйға тартқан жаңа Студенттер үйінің ғимаратымен танысты, деп хабарлайды Ақорданың баспасөз қызметі.