Мені елге «Атырау» газеті танытты

Мені елге «Атырау» газеті танытты

Мені елге «Атырау» газеті танытты

Әр адамның өмірінде ерекше есте қалып қоятын қуанышты сәттер болады. Облыс айнасы саналатын «Атырау» газетінің менің өмірімде алатын орны ерекше. Себебі, кезінде мен кандидаттық диссертациямды қорғап келгенімде, осы газеттің тілшісі Ғайнолла Зинуллин ағамыз мен туралы мақала жазып, бүкіл облыс халқына «облысымыздағы заң ғылымдарының кандидаты атанған тұңғыш әйел заты» деп жазды. Мені білетіндер осы шағын мақала арқылы құлақтанып, жан-жақтан құттықтаулар ағылды…

Асыра мақтағанымыз емес, мерзімдік басылымның қазіргі бет-бейнесі осыдан он-жиырма жылдағы кезден түбегейлі өзгерген. Көтеріп жүрген мәселелер де ауқымды. Газет тілшілері де – ылғи жастар. Біз білетін журналистердің біразы зейнеткерлік демалысқа шығып кетсе, енді біразы бақилық болған. Айталық, қаламдарынан іздеп жүріп оқитын тамаша мақалалар туған журналистер – Мұқан Көптілеуов, Тасмағанбет Текеев, Күзембай Әміров, Кеңес Тұрышев, Арынғазы Мырзағалиев, Жұмабай Төлегенов, Елена Таңбаева, фототілшілер – Алпамыс Теміров, Қайрош Қабдешевтерді кім білмейді?!

Бүгінде өзім қызмет істеп жүрген Х.Досмұхамедов атындағы Атырау мемлекеттік университеті – басқа мамандықтармен қоса, экономика және құқық саласы мамандарын даярлауда оқ бойы озық келе жатқан білім ошағы. Өйткені, заңгер мамандығы – қай кезден үлкен сұранысқа ие. Біздің түлектеріміз өңіріміздің түрлі фирмаларында заң кеңесшісі, құқық саласы заңгерлері, банк, басқа да мекеменің кадр жөніндегі мамандары міндеттерін абыроймен атқаруда. Ал олар үшін «Атырау» газетінің қосымшасы – «Әділет әлемінің» көмегі ерекше екенін баса айтқым келеді.

Оқырмандарыңыз ортаймай, көп көкейіндегі ойды дөп баса беріңіздер, «атыраулықтар»!

Жанна ШАЯХМЕТОВА,

Х.Досмұхамедов атындағы Атырау мемлекеттік университеті

экономика және құқық факультетінің

қылмыстық-құқықтық пәндер және криминалистика кафедрасы меңгерушісі, заң ғылымдарының кандидаты.

ПІКІРЛЕР

Тізімге қайта оралу

«Жеріне ие болмаса, ел баласы бола ма?»

30 Окт 2018 3

Рухани жаңғыру елдің ұлттық түп-тамырынан басталуы қажет. Бұл ретте Елбасының алға қойған мақсат-міндеттерін іске асыруда бүкіл шығармасын Атырау топырағын дәріптеуге, оның географиялық атауларын жан-жақты танытуға арнаған Мұрат Мөңкеұлының мұрасынан айналып өту мүмкін емес. Осы тұрғыда жыраудың туғанына 175 жыл толуына арналған Х.Досмұхамедов атындағы Атырау мемлекеттік университетінде өткен «Мұрат Мөңкеұлының мұрасы және туған жер идеясы» республикалық ғылыми-теориялық конференциясында белгілі зерттеуші ғалымдар бас қосты. Ақынның тарихи тұлғасын айқындауда тың пайымдар айтылып, жаңаша көзқарастар ұсынылды. Мұрат Мөңкеұлының шығармаларындағы туған жер идеясы заман талабы биігінен қайта зерделенген баяндамалар тыңдалды.

Атырауда білім беру саласы қызметкерлерінің кәсіби мерекесі атап өтілді

30 Окт 2018 1

Атырауда білім беру саласы қызметкерлерінің кәсіби мерекесі атап өтілді. Х.Досмұхамедов атындағы Атырау мемлекеттік университетінің «Жайық» спорт кешенінде білім беру саласының жүздеген мұғалімдері мен ардагерлері жиналды, деп хабарлайды өңірлік коммуникациялар қызметі.

Мақсат – айқын, міндет – зор

30 Окт 2018 2

Халықаралық қатынастар мамандығы бойынша білім алып жатқан атыраулық студенттердің елшіліктерде тәжірибеден өтуге мүмкіндігі бар. Осы орайда Сыртқы істер министрлігі аталған салаға қызығушылық танытқан жастарға бағыт-бағдар беруге дайын. Мұнайлы өңірге жұмыс сапарымен келген Сыртқы істер министрлігінің жауапты хатшысы Ермек Көшербаев кездесу барысында жас буын өкілдерін ведомоствомен тығыз қарым-қатынас орнатуға шақырды. Сондай-ақ, ол «Азаматтық орталықта» болып, үкіметтік емес ұйым өкілдерімен еркін форматта жүздесіп, азаматтық қоғам құрудың маңызы жөнінде кеңінен әңгімеледі.

Елбасы атыраулық студенттермен кездесті

24 Авг 2018 72

Мемлекет басшысы «ҚазТрансОйл» компаниясы «Бес әлеуметтік бастаманы» жүзеге асыру барысында Атырау мемлекеттік университетіне сыйға тартқан жаңа Студенттер үйінің ғимаратымен танысты, деп хабарлайды Ақорданың баспасөз қызметі.