Батыс Қазақстанда «Ақжайықтағы Алаш іздері» атты конференция өтті

Батыс Қазақстанда «Ақжайықтағы Алаш іздері» атты конференция өтті

Батыс Қазақстанда «Ақжайықтағы Алаш іздері» атты конференция өтті

ОРАЛ. ҚазАқпарат - Ақжайық ауданының орталығы Чапаев ауылында елге танымал тарихшы-ғалымдардың қатысуымен Алаш қозғалысының 100 жылдығына орай «Ақжайықтағы Алаш іздері» атты ғылыми-танымдық конференция өтті, деп хабарлайды «ҚазАқпарат» тілшісі.

Алаш үкіметінің тарихы туралы бейнебаянмен басталған конференцияны ашқан аудан әкімі Әділ Жоламанов Елбасының «Рухани жаңғыру» бағдарламасы аясында қолға алынған мұндай шараның маңыздылығына тоқталып, Алаш арыстарының арман-ойлары мен артында қалдырған жарқын істері бүгінгі күннің мақсат-міндеттерімен үндесетінін, олардың ел тарихындағы орны ерекше екендігін жеткізді.

Конференция барысында Алаш үкіметі белесіндегі Ақжайық ауданының тарихы, Алаш қозғалысының ел егемендігі жолындағы маңызы мен ролі, оның шежіресі, Батыс Алашорда қайраткерлерінің еңбегі, тарихтағы іздері, олардың ұстанымдары мен шығармашылығын жас ұрпақ арасында насихаттау бағытында белгілі ғалымдар мен жергілікті өлкетанушылар баяндама жасады. Атап айтқанда, Алматыдан арнайы келген алаштанушы, филология ғылымдарының кандидаты Мақсат Тәж-Мұрат «Азаматтар бар еді, күрек тісіміз сықылды» деген баяндамасында тың деректерімен бөлісті. Сол секілді М.Өтемісов атындағы Батыс Қазақстан мемлекеттік университеті «Қазақстан тарихы және өлкетану» ғылыми орталығының жетекшісі, тарих ғылымдарының кандидаты Жаңабек Жақсығалиев «Алаш арыстарының арманы: тарих және тағылым», Х.Досмұхамедов атындағы Атырау мемлекеттік университеті «Мәңгілік ел» ғылыми-зерттеу орталығының директоры, тарих ғылымдарының докторы Аққали Ахмет «Ел аумағын түгендеген Танашев» және басқа ғалымдар түрлі тақырыптарда баяндама жасады.

ПІКІРЛЕР

Тізімге қайта оралу

Атыраулық студенттер халықаралық шәкіртақыға ие болды

13 Июн 2018

Х.Досмұхамедов атындағы Атырау мемлекеттік университетінде халықаралық қатынастар департаментінің ұйымдастыруымен Әзербайжан Республикасының 100 жылдығына  және мемлекет қайраткері Гейдар Әлиевтің туғаны 95 жыл толуына орай шара өтті.

Атырауда мұғалімдердің сандық сауаттылық деңгейін арттыру бойынша семинар өтуде

13 Июн 2018

Атырауда мұғалімдердің сандық сауаттылық деңгейі артуда. Мұғалімдерді оқыту семинары «Сандық Қазақстан» бағдарламасы аясында өтуде, деп хабарлайды Атырау облыстық өңірлік коммуникациялар қызметі.

IT саласы бойынша тегін білім ал

17 Май 2018 38

17 мамырдан бастап компьютерге қызығушылығы бар атыраулықтар 1 ай бойы өз сауаттылықтарын арттырады.