«Біз енді кәсіби маманбыз!»

«Біз енді кәсіби маманбыз!»

«Біз енді кәсіби маманбыз!»

Х.Досмұхамедов атындағы Атырау мемлекеттік университетінің ұжымы биыл 65-ші түлектерін ұшырды. Аталмыш білім ордасын магистратура бойынша – 129, бакалавр дәрежесі бойынша – 1617 студент  тәмамдап отыр.  Олардың ішінен 88 студент үздік дипломға ие болды.

Салтанатты жиынға қатысқан университет ректоры, химия ғылымдарының докторы, профессор Абзал Тәлтенов іргелі білім ордасын аяқтап, үлкен өмірге жолдама алғалы отырған түлектерді қуанышты күндерімен құттықтады.

– Х.Досмұхамедов атындағы Атырау мемлекеттік университетінің бүгінгі же­тіс­тігі зор. Биыл университетте ұстаздар дайындайтын мамандықтар және магистратура бөлімі ашылады. Болашақта іргелі оқу орны бірнеше мамандық бойынша Phd докторларын дайындауды да қолға алмақшымыз. Көпжылдық тарихы бар университет еліміздегі маңдайалды оқу орын­дарының алдыңғы сатысында көрініп келеді.Біздің мыңдаған түлектеріміз алған білімдері мен кәсіби біліктіліктерінің нә­тижесінде еліміздің түкпір-түкпірінде жұ­мыс жасап, мемлекетіміздің әлеуметтік-эко­номикалық дамуына елеулі еңбек ету­де. Бұл – біз үшін үлкен қуаныш. Олар­­дың қатарында елге танымал қоғам қайраткерлері, ғалымдар, ұстаздар, ең­бек ерлері мен даңқты спортшылар бар. Енді сіздердің алдарыңызда тұрған тағы бір мақсат – университеттен алған білім­деріңізді тәжірибемен ұштастыра отырып, еңбек нарығында бәсекелестік қабілеті жоғары кәсіби маман болу. Үлкен өмірге қадам басқан әрбір түлектің болашағынан зор үміт күтемін,– деді Абзал Ахатұлы.

Одан әрі салтанатты кеште универсиетттің профессор-оқытушылары түлектерді құттықтап дипломдарын салтанатты түрде табыстады. Сондай-ақ, университет қабырғасында жүріп түрлі халықаралық, республикалық додаларға қатысып, білім, ғылым, өнер саласында үлкен жетістіктерге жеткен бірқатар студенттерге арнаулы марапат ұсынды.

Мерекенің соңы қуанышқа кенелген түлектердің көңілін «Заман» тобы көтерді.

ПІКІРЛЕР

Тізімге қайта оралу

«Жеріне ие болмаса, ел баласы бола ма?»

30 Окт 2018 3

Рухани жаңғыру елдің ұлттық түп-тамырынан басталуы қажет. Бұл ретте Елбасының алға қойған мақсат-міндеттерін іске асыруда бүкіл шығармасын Атырау топырағын дәріптеуге, оның географиялық атауларын жан-жақты танытуға арнаған Мұрат Мөңкеұлының мұрасынан айналып өту мүмкін емес. Осы тұрғыда жыраудың туғанына 175 жыл толуына арналған Х.Досмұхамедов атындағы Атырау мемлекеттік университетінде өткен «Мұрат Мөңкеұлының мұрасы және туған жер идеясы» республикалық ғылыми-теориялық конференциясында белгілі зерттеуші ғалымдар бас қосты. Ақынның тарихи тұлғасын айқындауда тың пайымдар айтылып, жаңаша көзқарастар ұсынылды. Мұрат Мөңкеұлының шығармаларындағы туған жер идеясы заман талабы биігінен қайта зерделенген баяндамалар тыңдалды.

Атырауда білім беру саласы қызметкерлерінің кәсіби мерекесі атап өтілді

30 Окт 2018 1

Атырауда білім беру саласы қызметкерлерінің кәсіби мерекесі атап өтілді. Х.Досмұхамедов атындағы Атырау мемлекеттік университетінің «Жайық» спорт кешенінде білім беру саласының жүздеген мұғалімдері мен ардагерлері жиналды, деп хабарлайды өңірлік коммуникациялар қызметі.

Мақсат – айқын, міндет – зор

30 Окт 2018 2

Халықаралық қатынастар мамандығы бойынша білім алып жатқан атыраулық студенттердің елшіліктерде тәжірибеден өтуге мүмкіндігі бар. Осы орайда Сыртқы істер министрлігі аталған салаға қызығушылық танытқан жастарға бағыт-бағдар беруге дайын. Мұнайлы өңірге жұмыс сапарымен келген Сыртқы істер министрлігінің жауапты хатшысы Ермек Көшербаев кездесу барысында жас буын өкілдерін ведомоствомен тығыз қарым-қатынас орнатуға шақырды. Сондай-ақ, ол «Азаматтық орталықта» болып, үкіметтік емес ұйым өкілдерімен еркін форматта жүздесіп, азаматтық қоғам құрудың маңызы жөнінде кеңінен әңгімеледі.

Елбасы атыраулық студенттермен кездесті

24 Авг 2018 71

Мемлекет басшысы «ҚазТрансОйл» компаниясы «Бес әлеуметтік бастаманы» жүзеге асыру барысында Атырау мемлекеттік университетіне сыйға тартқан жаңа Студенттер үйінің ғимаратымен танысты, деп хабарлайды Ақорданың баспасөз қызметі.