Білімге сүйенген ел бәрінен озады

Білімге сүйенген ел бәрінен озады

Білімге сүйенген ел бәрінен озады

Х.Досмұхамедов атындағы Атырау мемлекеттік университеті жанындағы Ассамблея институты студенттердің қатысуымен Елбасының «Болашаққа бағдар: рухани жаңғыру» атты мақаласына орай «дөңгелек үстел» ұйымдастырды.  

«Рухани жаңғыру және ұлттық бірегейлік» деген тақырыпта өткен басқосуда Атырау облысының әкімі аппараты жанындағы «Қоғамдық келісім» коммуналдық мемлекеттік мекемесінің басшысы Тамара Аман-Турлина мақаланың тәрбиелік, тарихи мәні зор екенін айтты. – Жапония өндірген тауарларының бәрін брендке айналдырды. Сол секілді, Германия да сапасына сын табылмайтын тауарларымен әлемге әйгілі. Ал, Қазақстанды әлемге танытатын жастар жан-жақты білім алып, бірнеше тілді меңгеріп, бәсекеге қабілетті болғаны жөн. Сонда біз бағындырмайтын белес болмайды, – деген ол жастарды Отанды сүюге, бір-бірін құрметтеуге шақырды. Сондай-ақ, Елбасы мақаласында айтылған «Жүз жаңа есімге» орай «Облысымызда бұл дәрежеге лайық адамдарды тізімге енгізіңіздер. Біз үшін, сіздердің де ойларыңыз маңызды, жұмысты бір ай көлемінде сауалнамалық тұрғыда өткізсек», — дедіТамара Аман-Турлина. Шараға қатысқан «Былина» орыс этномәдени бірлестігі төрағасының орынбасары Зинфира Романова «Мемлекет басшысы өзінің тұжырымдамалық мақаласында ұлтымыздың саналы, ұрпағымыздың қабілетті болуына маңыз берді. Бұл орайда ата-аналар, әсіресе, үш тілді меңгерудің маңызды екенін жіті ұғынып, баланы оқытуға талпынуы керек. Ата-анамен оқу орындары арасында тығыз байланыс орнағанда, бала да толыққанды білім алып, саналы, білімді азамат болып өседі. Біздің бірлестік те жас ұрпақтың мәселесін бірінші кезекке қойып келеді» деді. «Тхоньил» корей және «Новруз» әзербайжан этномәдени бірлестіктер өкілдері де Елбасы мақаласынан туындаған мәселелерге байланысты өз ойларын ортаға салды. Сіз не дейсіз? Зураб БОБОХИДЗЕ, «Иверия» грузин этномәдени бірлестігінің төрағасы: – Кез келген адам өзге елге қоныс аударғанда, жаңа ортаға бірден үйренісіп кете алмайды. Алғаш қазақ жеріне келгенімде, мен де сондай күйді кештім. Содан бері елу жыл өтті. Қазақстан маған тарихи Отанымнан да артық көрінеді. Мен бүгін өзімді осы елде өмір сүргенім үшін бақытты адаммын деп санаймын. Қазақстан тәуелсіздігін алған тұста отбасыммен туған жерім Грузияға бардым. Сол кезде «Грузияда тек грузиндер ғана тұруы тиіс» деген түсінік болды. Нәтижесінде Грузия үшке бөлініп кетті. Ал, Қазақстанның Тұңғыш Президенті Нұрсұлтан Назарбаев әу бастан-ақ, еліміздің ұлтқа бөлінбейтінін айтып, адамдардың бәрін бауырына баса білді. Қазір Қазақстан қарқынды даму жолына түсті. Экономика өркендеді. Елдің ынтымағы нығайды. Бүгінгі біздің бейбіт тірлігіміз – сарабдал саясаткер Елбасы саясатының жемісі. Шахман НАҒЫМОВ, педагогика ғылымдарының кандидаты: – Мақалада туған жерге қатысты айтылған ұсыныстар баршаға терең ой салды. Енді сөзден гөрі іске көшетін сәт келді. Сондықтан, Х.Досмұхамедов атындағы Атырау мемлекеттік университетінің тарихшылары екі томдық өлке тарихын жазуды қолға алудамыз. Бұл бағыттағы жұмыстар басталып кетті. Кітапқа XX ғасырдың 30-40-шы жылдарындағы білім беру, жаппай тәркілеу мен депортация туралы дерек енеді. Ол үшін Ресей жеріндегі мұрағаттардан мағлұматтар алатын боламыз. Біздің бастамамызды оқу орнының басшылығы қолдап отыр. Бұл ең алдымен, өлке тарихына қатысты біраз тың деректерді табуымызға мүмкіндік береді.

ПІКІРЛЕР

Тізімге қайта оралу

«Жеріне ие болмаса, ел баласы бола ма?»

30 Окт 2018 15

Рухани жаңғыру елдің ұлттық түп-тамырынан басталуы қажет. Бұл ретте Елбасының алға қойған мақсат-міндеттерін іске асыруда бүкіл шығармасын Атырау топырағын дәріптеуге, оның географиялық атауларын жан-жақты танытуға арнаған Мұрат Мөңкеұлының мұрасынан айналып өту мүмкін емес. Осы тұрғыда жыраудың туғанына 175 жыл толуына арналған Х.Досмұхамедов атындағы Атырау мемлекеттік университетінде өткен «Мұрат Мөңкеұлының мұрасы және туған жер идеясы» республикалық ғылыми-теориялық конференциясында белгілі зерттеуші ғалымдар бас қосты. Ақынның тарихи тұлғасын айқындауда тың пайымдар айтылып, жаңаша көзқарастар ұсынылды. Мұрат Мөңкеұлының шығармаларындағы туған жер идеясы заман талабы биігінен қайта зерделенген баяндамалар тыңдалды.

Атырауда білім беру саласы қызметкерлерінің кәсіби мерекесі атап өтілді

30 Окт 2018 5

Атырауда білім беру саласы қызметкерлерінің кәсіби мерекесі атап өтілді. Х.Досмұхамедов атындағы Атырау мемлекеттік университетінің «Жайық» спорт кешенінде білім беру саласының жүздеген мұғалімдері мен ардагерлері жиналды, деп хабарлайды өңірлік коммуникациялар қызметі.

Мақсат – айқын, міндет – зор

30 Окт 2018 5

Халықаралық қатынастар мамандығы бойынша білім алып жатқан атыраулық студенттердің елшіліктерде тәжірибеден өтуге мүмкіндігі бар. Осы орайда Сыртқы істер министрлігі аталған салаға қызығушылық танытқан жастарға бағыт-бағдар беруге дайын. Мұнайлы өңірге жұмыс сапарымен келген Сыртқы істер министрлігінің жауапты хатшысы Ермек Көшербаев кездесу барысында жас буын өкілдерін ведомоствомен тығыз қарым-қатынас орнатуға шақырды. Сондай-ақ, ол «Азаматтық орталықта» болып, үкіметтік емес ұйым өкілдерімен еркін форматта жүздесіп, азаматтық қоғам құрудың маңызы жөнінде кеңінен әңгімеледі.

Елбасы атыраулық студенттермен кездесті

24 Авг 2018 78

Мемлекет басшысы «ҚазТрансОйл» компаниясы «Бес әлеуметтік бастаманы» жүзеге асыру барысында Атырау мемлекеттік университетіне сыйға тартқан жаңа Студенттер үйінің ғимаратымен танысты, деп хабарлайды Ақорданың баспасөз қызметі.