Ұлағаты мол кездесу

Ұлағаты мол кездесу

Ұлағаты мол кездесу

Ұлттық ғылым академиясының академигі, философия ғылымдарының докторы, профессор, қоғам қайраткері Ғарифолла Есім Атырау өңіріне келіп, Х.Досмұхамедов атындағы Атырау мемлекеттік университетінің ұжымымен, студенттерімен кездесті.

Кездесу шымылдығын аш-қан университет ректоры     Абзал Тәлтенов: «Елбасы мақаласы аясындағы мағынасы терең мәселелерді түсіндіру, ұжымымызбен кездесіп, ашық әңгіме алаңында басқосу туралы ұсынысымызды қабыл ал-ғаныңызға көп рахмет. Сіз секілді қазақ философиясының негізін қалаушылардың бірімен пікірлесіп, ой тоғыстыру, пікір алмасу – бүгінгі кездесу қатысушылары үшін аса маңызды» дей келе, таяуда 70 жасқа толған мерейгерді құттықтады.

Елбасы Нұрсұлтан Назарбаевтың «Болашаққа бағдар: Рухани жаңғыру» атты мақаласының маңыздылығы, одан туындайтын міндеттер  кездесудің басты тақырыбына айналды. Аталмыш мақала төңірегінде кездесу қонағы өз көзқарасын, философиялық ойларын ортаға салды. Соның ішінде сананың жаңғыруы, латын әліпбиіне көшу мәселесіне, Қазақстанның 100 есімін анықтау идеясына ерекше тоқталды. «Ұлттық құндылықтарды жоғалтпай, сананы жаңғырту, болашаққа дұрыс бағдар жасау үшін жастарға бағыт көрсету – біздің міндетіміз» деген ғалым залға лық толы кездесу қатынасушыларын өнегелі ой өрнектерімен баурап алды.

Кездесу барысында сөз алған профессор, филология ғылымдарының докторы Қадыр Жүсіпмерейгерді құттықтап, ізгі тілектерін  арнады. «Жетпіс жастағы адамды қазір «жап-жас жігіт» деп бағалайтын болдық. Сіз бәріне жетуге тырыстыңыз және жеттіңіз. Жеттіңіз және жетілдіңіз. Философиялық жағынан кемел шаққа келдіңіз. Сол шақ құтты болсын. Жалпы, менің өзіндік философиям бойынша жыл 12 айдың ішінде аса қолайлы екі ай бар. Бірі – желтоқсан, бірі – сәуір. Өйткені, ұлылардың бәрі осы уақыт аралығында өмірге келген. Сіз де сәуірде өмір есігін аштыңыз. Бірақ, өзіңізді ұлылар қатарына жатқызбайсыз. Алайда, халық оған қарамайды. Сіздің болмысыңызды бағамдай білген халық өз бағасын берді» деп, ақ жарма тілегін жолдады.

Бұдан кейін де сөз алған профессор, ауыл шаруашылығы ғылымдарының докторы Бақтыбек Таубаев, философия ғылымдарының докторы Өмірбек Бекежан Атырау мемлекеттік университетінің Құрметті профессоры Ғарифолла Есімді құттықтап, мерейгерге толайым табыс тіледі.

Кездесу соңында  университет ректоры  А.Тәлтенов кеш қонағына  Мұрат Мөңкеұлының  кітабын  тарту етіп,  Ғарифолла Есімұлының  жары Рымкеш Сұлтанқызына  гүл шоқтарын табыстады.

ПІКІРЛЕР

Тізімге қайта оралу

«Жеріне ие болмаса, ел баласы бола ма?»

30 Окт 2018 15

Рухани жаңғыру елдің ұлттық түп-тамырынан басталуы қажет. Бұл ретте Елбасының алға қойған мақсат-міндеттерін іске асыруда бүкіл шығармасын Атырау топырағын дәріптеуге, оның географиялық атауларын жан-жақты танытуға арнаған Мұрат Мөңкеұлының мұрасынан айналып өту мүмкін емес. Осы тұрғыда жыраудың туғанына 175 жыл толуына арналған Х.Досмұхамедов атындағы Атырау мемлекеттік университетінде өткен «Мұрат Мөңкеұлының мұрасы және туған жер идеясы» республикалық ғылыми-теориялық конференциясында белгілі зерттеуші ғалымдар бас қосты. Ақынның тарихи тұлғасын айқындауда тың пайымдар айтылып, жаңаша көзқарастар ұсынылды. Мұрат Мөңкеұлының шығармаларындағы туған жер идеясы заман талабы биігінен қайта зерделенген баяндамалар тыңдалды.

Атырауда білім беру саласы қызметкерлерінің кәсіби мерекесі атап өтілді

30 Окт 2018 5

Атырауда білім беру саласы қызметкерлерінің кәсіби мерекесі атап өтілді. Х.Досмұхамедов атындағы Атырау мемлекеттік университетінің «Жайық» спорт кешенінде білім беру саласының жүздеген мұғалімдері мен ардагерлері жиналды, деп хабарлайды өңірлік коммуникациялар қызметі.

Мақсат – айқын, міндет – зор

30 Окт 2018 5

Халықаралық қатынастар мамандығы бойынша білім алып жатқан атыраулық студенттердің елшіліктерде тәжірибеден өтуге мүмкіндігі бар. Осы орайда Сыртқы істер министрлігі аталған салаға қызығушылық танытқан жастарға бағыт-бағдар беруге дайын. Мұнайлы өңірге жұмыс сапарымен келген Сыртқы істер министрлігінің жауапты хатшысы Ермек Көшербаев кездесу барысында жас буын өкілдерін ведомоствомен тығыз қарым-қатынас орнатуға шақырды. Сондай-ақ, ол «Азаматтық орталықта» болып, үкіметтік емес ұйым өкілдерімен еркін форматта жүздесіп, азаматтық қоғам құрудың маңызы жөнінде кеңінен әңгімеледі.

Елбасы атыраулық студенттермен кездесті

24 Авг 2018 78

Мемлекет басшысы «ҚазТрансОйл» компаниясы «Бес әлеуметтік бастаманы» жүзеге асыру барысында Атырау мемлекеттік университетіне сыйға тартқан жаңа Студенттер үйінің ғимаратымен танысты, деп хабарлайды Ақорданың баспасөз қызметі.