Халықаралық ынтымақтастық

Халықаралық ынтымақтастық

Х. Досмұхамедов атындағы Атырау мемлекеттік білім беру кеңістігінде өзара қарым-қатынасты нығайту мақсатында бірнеше шетелдік жоғары оқу орындарымен келісім-шарт жасады. Ресейдің, Калмыкияның, Варшаваның, Савонияның, Азербайджанның унисерситеттерімен және республикамыздың бірнеше жоғары оқу орындарымен тығыз байланыста жұмыстар жүргізілуде.

Чехияның, Польшаның, Англияның және басқа алыс-жақын елдердің жоғары оқу орындарымен қарым-қатынас орнатылған.

Университеттің халықаралық қызметі әлемдік білім кеңістігіне енуге, ғылыми ынтымақтастыққа қол жеткізуге және университеттің халықаралық деңгейдегі мәртебесін көтеруге бағытталған.  Университетте Thomson Reuters, Science Online, Springer журналдарына жазылымдар қамтамасыз етілген, сонымен қатар Erasmus mundus және Tempus  оқу және ғылыми бағдарламалар жүзеге асырылуда.

         Қазақстан Республикасы Президенті Н.Назарбаевтың «Қазақстанның әлеуметтік жаңғыртылуы: Жалпыға Ортақ Еңбек Қоғамына қарай 20 қадам» бағдарламасын жүзеге асыру мақсатында университеттің бір топ ғылымдары «Болашақ» бағдарламасының іріктеуімен Швейцарияның Монтре "Бизнес Мектебінде» ғылыми тағылымдамадан өтті.

Университетте «Oxford University Press» баспа үйінің қолдауымен «InterPress» әдістемелік-кеңестік орталығы ағылшын тілі оқытушыларына арналған оқытудың қазіргі озық әдістері жайлы тренингтер өткізді. Болон үдерісі аймақтық орталығы арқылы шетелдік әріптестермен іскерлік байланыстар қалыптасқан.

«Болашақ» бағдарламасының іріктеуінен өткен университетіміздің бір топ ғалым-оқытушылары Ұлыбританияның Нортхэмптон университетінен ғылыми тағылымдамадан өтті.

Халел Досмұхамедовтың 130 жылдығы қарсаңында университетте Ресей ғылымы мен мәдиниетінің орталығы ашылды.

Оқу орнындағы Қазақстан халқы Ассамблеясы институты, Әзербайжан мәдениеті мен тарихы орталығы халықаралық және этно-мәдени байланыстардың кеңеюі мен нығаюына оң ықпал етуде. 

Университ студенттерінің республиканың өзге өңірлеріндегі жоғары оқу орындарында академиялық ұтқырлық бағдарламасымен 1 немесе 2 академиялық мерзімге оқуға баруға мүмкіндіктері бар.

Академиялық ұтқырлық бағдарламасы аясында магистранттар мен студенттер Савония қолданбалы университетіне (Финляндия), Теннесси техникалық университеті (АҚШ), Синьцзян универсиеті (Қытай), Варшава техникалық университетіне (Польша), Астрахань мемлекеттік университетіне (Ресей Федерациясы), Қалмақ мемлекеттік университетіне (Ресей Федерациясы) және басқа да шетелдік мемлекеттерге ғылыми тағылымдамаға және оқуға жіберіледі.