Каспий маңы мемлекеттерінің университеттер қауымдастығы (мүшелік Қазан 2016)

Қауымдастық 1996 жылы Астрахань мемлекеттік техникалық университеті (Ресей) мен Горган ауылшаруашылық ғылымдары және табиғи ресурстар университетінің (Иран) бастамасымен құрылған. 5 елден 50-ден астам ұйым Қауымдастық мүшелері болып табылады, олар Әзербайжан, Иран Ислам Республикасы, Қазақстан, Ресей, Түрікменстан.

Ассамблеяның негізгі қызметі Каспий маңы өңірінің білім беру, мәдениет және экология саласындағы проблемаларды шешуге, бірлескен халықаралық жобаларды іске асыруға, студенттер мен оқытушылар алмасуға, мамандарды қайта даярлау мен олардың біліктілігін арттыруға бағытталған.

Қауымдастыққа кіргелі бері Атырау университеті Каспий университеттерінің қатысушыларымен бірлескен ғылыми және білім беру қызметін жүзеге асырып келеді.

2017 жылы Атырау университетінің базасында Каспий маңы елдерінің мемлекеттік университеттері қауымдастығының ХХ мерейтойлық Бас ассамблеясы өтті. Осы іс-шара аясында екі университеттің ғана емес, Каспий теңізімен біріктірілген екі елдің ынтымақтастығын қамтитын Иран тілі мен мәдениеті орталығы ашылды.

2018 жылғы наурызда Атырау университетіндегі төрағалық шеңберінде «Каспий аймағындағы құқық және БАҚ: ынтымақтастық негіздері мен болашағы» атты халықаралық сарапшылар кеңесі өтті. Оған Әзірбайжан, Иран, Қазақстан және Ресей ғалымдары қатысты.

2018 жылдың қыркүйегінде Атырау университетінің базасында Каспий маңы елдерінің мемлекеттік университеттері қауымдастығының мүшелері, Әзірбайжан, Иран, Ресей және Қазақстанның 43 жоғары оқу орындарының студенттері арасында 11 спорт түрінен 6-шы Халықаралық Универсиада ұйымдастырылды және тағы басқалары 500-ден астам студент-спортшылар қатысты.

2018 жылдың желтоқсан айында Каспий маңы мемлекеттері қауымдастығы аясында Астраханьдағы Астрахань өзен училищесінің 100 жылдығына орай Каспий теңізі және өзен институтының базасында «Қазақстан» атты қазақ мәдениетінің аудиториясы ашылды. Аудиторияны ашудағы мақсат - қазақ халқының тарихымен, мәдениетімен, дәстүрлері мен әдет-ғұрыптарымен таныстыру.

2020 жылдың 20 тамызында Атырау университеті Каспий маңы елдерінің университеттері арасындағы ынтымақтастық шеңберінде «Каспий жастар көзімен» атты онлайн сурет байқауын өткізді.

Қосымша ақпараттар http://www.astu.org/Content/Page/3508