05.02.2021

5 ақпан күні Университетіміздің Халықаралық әріптестік және интернационализация бөлімі Атырау облысы әкімдігінің қолдауымен қазақ, орыс, ағылшын, түрік, қытай тілдерінен онлайн курстың салтанаты ашылуы өтті. Салтанатты шарада университет ректоры Саламат Нұрмұханұлы студент-волонтерларды және қатысушыларды курстың ашылуымен құттықтап жақсы шараның жалғасын таба беруіне тілектестігін білдірді. Шараға Атырау облысы әкімдігі Тілдерді дамыту басқармасы басшысы Әсия Баянқызы Қыстаубаева мен орынбасары Айгүл Базарбайқызы Қуаныш қатысып, тіл курстарына арнайы әдістемелік материалдар мен кітаптар тарту етті. Түркия Республикасының Ақтау Басконсулы Музаффер Акиылдырым қатысып, биылғы жыл Түркия Мемлекетінің тарапынан Юнус Емре мен түрік тілі жылы деп жарияланғанын және осы бағытта бірлескен жобаларды іске асыру ниетін жеткізді. Курсты ұйымдастырып отырған университетіміздің жас волонтер студенттері. Қазақстан-жас әрі жастардың мемлекеті. Жастар қоғамның қозғаушы күші. Мемлекет басшымыз Қ. Ж. Тоқаев әрбір мемлекеттік орган жастардың өзін-өзі танытуына жағдай жасап және олардың оң бастамаларына қолдау көрсету керектігін айтқан. Бізде волонтер студенттердің идеяларын қолдап, сіздерге сабақ беру арқылы өз тәжірибелерін де шыңдай түседі деген сенімдеміз.

Тізімге қайта оралу