I-SEED жобасы

Қазақстандағы Британдық Кеңес (British Council Kazakhstan) жастарды 2017 жылғы сәуірден бастап желтоқсанға дейін «Шеврон» компаниясымен бірлестікте іске асырылатын «I-SEED: инновациялар – әлеуметтік кәсіпкерлік және білім беру» жобасына қатысуға шақырады.

Аталған жобаның мақсаты Қазақстандағы әлеуметтік жағынан белсенді жастарға қолдау көрсету және Ұлыбританияның тәжірибесі мен Британдық Кеңестің халықаралық тәжірибесін пайдалана отырып, әлеуметтік кәсіпкерлікке үйрету арқылы қоғамның әлеуметтік проблемаларын шешу болып табылады. Жоба Қазақстанда әлеуметтік жағынан белсенді жастардың арасында әлеуметтік кәсіпкерлік мәдениетін дамытуға ықпалдасатын болады. 

Жобаға қатыса отырып, жастар төмендегі тақырыптар бойынша орыс тілінде тренингілерден өтуге мүмкіндік алады: 

1. Әлеуметтік кәсіпкерлік 
2. Фандрайзинг
3. Бизнесті жоспарлау негіздері 
4. Әлеуметтік жобаларды басқару 
5. Маркетинг 
6. Питчинг.

Сондай-ақ қатысушылар Қазақстанда, Ұлыбританияда және басқа елдерде жұмыс істейтін әлеуметтік кәсіпкерлермен бірге вебинарларға, бейнеконференцияларға/skype-сессияларға қатысуға, өздерінің әлеуметтік ұсынысын дайындауға және машықтары мен нетворкингіні дамытуға бағытталған басқа іс-шараларға қатысуға мүмкіндік алады.

Жоба туралы көбірек мына жерде бiле аласыз.

Егер сіз конкурстың төмендегі талаптарына сай келсеңіз, оған қатысу туралы өтінім бере аласыз:

1. Өтінім берген сәтте 18 – 29 жас аралығындағы талапшыл жас болуыңыз;
2. Әлеуметтік кәсіпкерлік бойынша машықтарды үйренуге және осы саланы Қазақстанда дамытуға мүдделі болуыңыз; 
3. Алматы мен Астана қалаларында тұруыңыз;
4. 2017 жылғы маусымнан бастап желтоқсанға дейінгі кезеңде жобаға қатысу үшін бос уақытыңыз болуы;
5. 2017 жылғы маусымнан бастап желтоқсанға дейін жобаның шеңберінде ұйымдастырылатын барлық тренингілерге қатысуға дайын болуыңыз керек. Тренингілерді қатысушылармен келісе отырып жартылай немесе толық жұмыс күні бойы өткізуге болады; 
6. Үкіметтік емес ұйымдарда немесе ерікті ретінде жұмыс тәжірибеңіздің болуы; 

Жобаға қатысушылар конкурстық негізде іріктелетін болады. 

Барлық мүдделі тұлғалардан өтінім пішінін 2017 жылғы 30 сәуірiне 23.00 (Астана уақыты) дейiн толтыруға қажет.

Конкурс туралы толығырақ ақпаратты біздің қызметкеріміз Жанар Жақсылықовадан + 7 7172 55 20 77 телефоны немесе zhanar.zhaxylykova@kz.britishcouncil.org электрондық пошта арқылы алуға болады.

Тренингіге және жобаның шеңберіндегі басқа іс-шараларға қатысуға байланысты барлық шығыстарды ұйымдастырушылар өтейді.

Тең мүмкіндіктер саясаты

British Council ұйымы тең мүмкіндіктер саясатын жүзеге асырады және ұйымның жұмысында қоғамның барлық топтарының сан алуандығын қамтиды. Біз өтінімдерді халықтың барлық топтарынан қабылдауды қош көреміз. Біз мүмкіндіктері шектеулі үміткерлер іріктеудің негізгі талаптарына сай келген жағдайда, олармен сұхбат өткізілетініне кепілдік береміз.