Тарихы

Тарихы

Көптілді білім беру факультеті Қазақстан Республикасы Білім және ғылым министрлігінің 2009 жылғы 13 шілдедегі № 338 бұйрығы негізінде Х.Досмұхамедов атындағы Атырау мемлекеттік университеті Ғылыми кеңесінің 2016 жылғы 31 тамыздағы (Хаттама № 1) шешімімен құрылды.

Көптілді білім беру факультетінің жұмыс жасағанына көп болмаса да құрылымындағы мамандықтары Қазақ тілі мен әдебиеті және Орыс тілі мен әдебиеті – 1950 жылы, Шетел тілі – 1992 жылы, Аударма ісі – 2001 жылы, Филология – 2004 жылы құрылған.

Факультеттің алғашқы деканы ф.ғ.к. Султангубиева Айгүл Айтмұханқызы.

Көптілді білім беру факультетінің миссиясы – Х. Досмұхамедов атындағы Атырау мемлекеттік университетінің ұзақ мерзімді стратегиялық жоспарына сәйкес және заманауи инновациялық жүйе арқылы, кәсіби мамандарды жаңаша дайындауға бағытталған технологияларды, ғылымның жетістіктерін пайдалана отырып, бәсекеге қабілетті, жоғары білікті көптілді мамандар дайындау.

Факультетте English Only Space шығармашылық орталығы жұмыс жасайды. Бұл орталық шетелге шығушыларға шынайы және өмірлік жағдайларды көрсететін бірегей жабдықтармен қамтылған, ағылшын тілін қарқынды оқуға арналған мамандырылған (әуежай, университет, кітапхана, дүкен, кинозал және т. б.) студия кешені. Практикалық сабақтар лингафон, компьютерлік кабинеттерінде өткізіледі.

Факультетте мыңнан астам білім алушылар оқиды, олардың ішінде ұлты қазақтар мен орыстардан басқа ұлт өкідері де (Түрік, Грузин, Корей, Татар, Осетин, Өзбек) білім алуда.

Білім алушыларға кәсіби біліктілігі мен ғылыми лауазымдары жоғары тәжірибелі мамандар дәріс береді, олардың 40 пайызы ғылым докторлары мен профессорлары, ғылым кандидаттары мен доценттері.

Факультет мамандықтарында әр жылдары елімізге, өлкемізге танымал тұлғалар еңбек еткен. Атап айтсақ: академик-жазушы Зинолла Қабдолов, педагогика ғылымдарының кандидаты, профессор Сабыр Қазыбаев, филология ғылымдарының кандидаты, профессор Құсекен Шаукенов т.б.

Бүгінгі күні факультетте елімізге белгілі ғалым, «Парасат» орденінің иегері, филология ғылымдарының докторы, профессор Жүсіп Қадыр Өтегенұлы, «Жоғары оқу орнының үздік оқытушысы» атағының иегерлері Султангубиева Айгүл Айтмұханқызы, және Абдол Элеонора Досжанқызы еңбек етеді.

Көптілді білім беру факультеті ғылыми-педагогикалық кадрлардың білімін арттыру және студенттердің кәсіби деңгейін көтеру мақсатында еліміздің сонымен қатар алыс және жақын шет елдердің жоғары оқу орындарымен ғылыми және оқу-әдістемелік қарым-қатынастар орнатқан. Факультет профессор-оқытушылары мен студенттері Қазақстан, Ресей, АҚШ, Ангнлия, Франция, Германия, Қытай, Венгрия, Латвия, Литва, Турция Болгария, Польша, Испания, Малайзия, Португалия, Қырғызстан, Египет мемлекеттерінде халықаралық академиялық ұтқырлық бағдарламасы бойынша іс-сапарда болып, тәжірибе алмасып, курстарға қатысып, біліктіліктерін арттырып отырады.

Факультетте «Аудармашылар бюросы», «Ораторское искусство», «Жас терминолог», «Лингвистика және лингвокультурология мәселелері», «Драма клуб» клубтары жұмыс жасайды. Үйірме жұмысынң мақсаты шешендікке, сөйлеу мәдениетіне үйрету сонымен қатар, шетел елшіліктерімен және Атырау қаласындағы шетел компанияларындағы шетел азаматтарымен кездесу, түрлі шетелдік жәрмеңкелерге аудармашы ретінде қатысу, өз білім деңгейлерін көтеру.

Факульттете студенттердің өзін-өзі басқару, қоғамдық белсенділігін арттыру мақсатында «Студенттік деканат» жұмыс жасайды. Деканат құрамы екі бағытта жұмыс жасайды, біріншісі ғылыми және шығармашылық ізденістерді, екіншісі мәдени-спорттық бағытты қамтиды. Студенттік деканаттың жылдық жұмыс жоспары жасалып, өз кезегімен шараларды ұйымдастырып, өткізіп келеді.