13.02.2020 316

2020 жылдың 12 ақпанында №2 жатаханада ақын Павел Николаевич Васильевтің 110 жылдығына арналған әдеби кеш өтті.

Іс- шара «Орыс тілі және әдебиеті», «Орыс тілінде оқытпайтын мектептердегі орыс тілі мен әдебиеті» мамандықтарының 3 курс студенттері, «Орыс филологисы» кафедрасының меңгерушісі Л.Б.Алекешованың, топ кураторлары С.С.Дутбаева мен С.Х.Жумағазиеваның жетекшіліктерімен өтті. Шараға Көптілді білім беру факультетінің деканы А.А.Султангубиева, орыс филологисы кафедрасының топ кураторлары, №1,2 жатахана студенттері қатынасты.
       №2 жатахана акт залында «Орыс тілі және әдебиеті»  мамандығының 3 курс студенттері Р.Бочкова мен Е.Кан дайындаған  «Павел Васильев- қазақ даласының ақыны» тақырыбында презентация көрсетілді. Ақынның өмірі мен қайғылы тағдыры туралы студенттерге кеңінен мәлімет берілді. Павел Васильевтің белгілі  «Галина Анучинаға», «Хат», «Суықторғайлар» т.б. өлеңдері оқылды. Кешке қатынасқан студенттер әртүрлі сұрақтар қойды.
      Кештің 2 бөлімінде академиялық ұтқырлық бағдарламасы бойынша Алматы қаласындағы ҚазҰПУ- да оқып келген «Орыс тілінде оқытпайтын мектептердегі орыс тілі мен әдебиеті» мамандығының 3 курс студенті Саламатова студенттерге жалпы университет, оқу процессіндегі ерекшеліктер туралы әңгімелеп, осы бағдарлама бойынша құжаттарды қалай дайындау керектігі туралы айтты.
      Кеш өте қызықты өтті. Жатахана студенттері жақсы әсер алып, көтеріңкі  көңіл- күймен тарасты.

Тізімге қайта оралу