Көптілді білім беру факультеті Жаңалықтары

Халықаралық ассоциация конгресі өтті

Қазақстанда алғаш рет орыс тілі мен әдебиеті оқытушыларының Халықаралық ассоциация конгресі өтті (орыс тілінде МАПРЯЛ).

«Көптілді әлемдегі орыс сөзі» тақырыбындағы XIV Конгресс 2019 жылдың 29 сәуірі мен 4 мамыр аралығында Қазақстанның астанасы – Нұр-Сұлтан қаласында өтті. Конгреске 47 мемлекеттен 450-ден аса өкіл қатысты.

Конгресті ұйымдастырушылар – орыс тілі мен әдебиеті оқытушыларының Халықаралық ассоциациясы (МАПРЯЛ), орыс тілі мен әдебиеті оқытушыларының Қазақстандық ассоциациясы (КазПРЯЛ), «Орыс әлемі» қоры және Л. Н. Гумилев атындағы Еуразия ұлттық университеті.

Әлемдік русистиканың ірі ғылыми іс-шарасына Х.Досмұхамедов атындағы Атырау мемлекеттік университетінің орыс филологиясы кафедрасының профессорлары, филология ғылымдарының кандидаттары Н.Ж.Умурзакова, И.Камелова, С.С.Дутбаева белсенді қатысып, секциялық мәжілістерде баяндама жасады.

Ғылыми дискуссия және пленарлық мәжіліске орыс тілінің қазіргі мәртебесін әлем тілдерінің бірі ретінде сипаттайтын Ресей, Қазақстан, АҚШ, Финляндия елдерінің мемлекет қайраткерлері мен көрнекті ғалымдары қатысты.

Конгресс аясында орыс тілі мен әдебиетін зерттеу және оқыту, лингвистикалық сипаттаудың өзекті аспектілері, аударма және мәдениеттану, т.б. салаларды қамтыған 14 ғылыми бағыт бойынша мәжілістер өткізілді. 6 дөңгелек үстел бойынша талқылау бағдарламасы өткізілді.

Орыс тілі мен әдебиеті оқытушыларының Халықаралық ассоциациясының Бас Ассамблея мәжілісінде Президиумның жаңа құрамы сайланды. МАПРЯЛ Президенті болып Ресей президентінің кеңесшісі, жазушы Л.Н.Толстойдың шөбересі, В.И.Толстой сайланды.

Келесі, XV Конгресс 2023 жылы Санкт-Петербург қаласында өтеді.

ПІКІРЛЕР

Тізімге қайта оралу