Көптілді білім беру факультеті Жаңалықтары

Білімнің мініп тұлпарын

Білімнің мініп тұлпарын

2019 жылдың 25-26 сәуір күндері Х.Досмұхамедов атындағы Атырау мемлекеттік университеті  5В011700-Қазақ тілі мен әдебиеті мамандығы студенттері С.Аманжолов атындағы Шығыс Қазақстан мемлекеттік университетінде өткен ХІ республикалық пәндік олимпиадасына қатысып, жүлделі оралды.

Студенттердің білімдері бәсекеге түскен додаға еліміздің түкпір-түкпірінен 25 команда қатысты. Қатысушылар түрлі тапсырмалардан тұратын 4 кезең бойынша сынға түсті. Университетіміз бойынша аталмыш білім додасына Қазақ тілі мен әдебиеті мамандығының 3, 4 курс студенттері - Нұржай Аманова, Гүлмарал Өтенова, Әсемгүл Тынысовадан құрылған «Жерұйық» командасы қатысып,жоғары нәтиже көрсетті. Нәтижесінде жалпыкомандалық есепте «Жерұйық» командасы ІІІ орынды иеленді. Топ жетекшісі – Қазақ тілі мен әдебиеті кафедрасының меңгерушісі, филология ғылымдарының кандидаты А.С.Елеуова екендігін атап өткіміз келеді. Білімімен оқ бойы озық шыққан студенттерімізге алдағы уақытта да бағындырар белестеріңіз биік болсын деген тілек білдіреміз.

ПІКІРЛЕР

Тізімге қайта оралу