Көптілді білім беру факультеті Жаңалықтары

«Ұлы даланың жеті қыры» тақырыбындағы дөңгелек үстел

Х.Досмұхамедов атындағы Атырау Мемлекеттік университетінде «Қазақ тілі мен әдебиет» кафедрасының аға оқытушысы Қырықбаева Ж.М. жетекшілігімен Қазақстан Республикасының тұңғыш президенті Н.Ә.Назарбаевтың 2018 жылдың қараша айында жарияланған  «Ұлы даланың жеті қыры» мақаласын танымдық бағытта талқылау, пікір алмасу  мақсатында «Ұлы даланың жеті қыры» атты дөңгелек үстелі өтті.

Дөңгелек үстелге өзгетілді аудиторияның экономика, құқықтану, мектепке дейінгі оқыту және тәрбиелеу, журналистика, есеп және аудит мамандықтары топтарының студенттері қатысты.

Дөңгелек үстел барысында:

·         Атқа міну мәдениеті

·         Ұлы даладағы ежелгі металлургия

·         Аң стилі

·         Алтын адам

·         Түркі әлемінің бесігі

·         Ұлы Жібек жолы

·         Қазақстан – алма мен қызғалдақтың отаны

·         Архив – 2025

·         Ұлы даланың ұлы есімдері

·         Түркі әлемінің генезисі

·         Өмірге құштарлық діңгегі

·         Дала фольклоры мен музыканың мың жылы

·         Тарихтың кино өнері мен телевизиядағы көрінісі тақырыптары талқыланды.

            Дөңгелек үстелдің модераторы - «Экономика және құқық» факультетінің студенті Темиртасов А. болды. Дөңгелек үстел жұмысына университетіміздің өзге тілді топтарының 1-курс студенттері: Магзомова Инкар (Құқықтану), Сансызбаева Нұрайна (Мектепке дейінгі оқыту және тәрбиелеу), Шакенов Ерболат (Құқықтану), Маратова Мадина (Есеп және аудит), Маслова Виктория (Мектепке дейінгі оқыту және тәрбиелеу), Жанаева Айкүн (Экономика), Қонысов Бибарыс (Құқықтану), Акынбаева Асия (Туризм), Шагилбаева Зинура (Туризм), Төлепбергенова Асыл (Мектепке дейінгі оқыту және тәрбиелеу) баяндамалар жасап,келелі ойлары мен өздерінің пікірлерін ортаға салып, жан-жақты талқыланды. Дөңгелек үстел тақырыбының өзектілігіне қатысты филология мамандығының студенті Ізбасаров Е., құқықтану мамандығының студенті Раймұханов С., және журналистика мамандығының студенті Абу Н. өз ойларымен бөлісіп, сауалдарын ұсынып, белсенділік танытты. Сауалдарға баяндамашылар тарапынан жауап беріліп, қызықты әрі пайдалы пікір алмасу болды. Дөңгелек үстелді «Қазақ тілі мен әдебиеті» кафедрасының аға оқытушысы Қырықбаева Ж.М. шара жөнінде және тақырыптың маңыздылығы, идеясы туралы мәліметтермен тұжырымдар жасап, қорытындылады.

ПІКІРЛЕР

Тізімге қайта оралу