«Сыбайлас жемқорлыққа қарсы күрес – бүгінгі күннің талабы»
Сыбайлас-жемқорлықпен күрестің негізгі қағидаларын сақтау және жүзеге асыру сыбайлас-жемқорлықпен күресте өте маңызды. Бұл қағиданың сақталуының кепілі азаматтардың өздерінің белсенділігі болып табылады, сыбайлас-жемқорлық үдерістерді бұқаралық ақпараттық құралдарында ғана емес, студенттердің өзіндік пікірі басты орында болуы шарт.
Осы мақсатта 1 наурыз күні Қ.Жұбанов атындағы Ақтөбе өңірлік мемлекеттік университетінің ұйымдастыруымен «Сыбайлас жемқорлыққа қарсы күрес – бүгінгі күннің талабы» атты республикалық онлайн дөңгелек үстел өткізілді. Студентерді сыбайлас-жемқорлыққа қарсы қызметке тартуға, құқықтық сана мен құқықтық мәдениетті қалыптастыруды басты мақсат тұтқан республикалық деңгейде өткен дөңгелек үстелге Абай атындағы Қазақ ұлттық педагогикалық университеті, М.Өтемісұлы атындағы Батыс Қазақстан мемлекеттік университеті және Х.Досмұхамедов атындағы Атырау мемлекеттік университеті қатысты. Аталған университеттерден дөңгелек үстелге қатысқан 1 курс Қазақ тілі мен әдебиеті мамандығының студенттері «Сыбайлас-жемқорлық» деген ұғымға көзқарастарын білдіріп, өз мемлекетіне жауапкершілікпен қарау және әділдікке, адалдыққа тәрбиелену мақсатындағы ойларымен бөлісті. Сонымен қатар шарада Көптілді дайындық кафедрасының меңгерушісі Ж.М. Абдрахманова, Экономика және құқық факультетінің Құқықтану кафедрасының оқытушысы Ү.Ж.Қайрова және 1 курс ҚТӘ мамандығының топ кураторы Г.Б.Аяпова өз ойларымен бөлісіп, студенттерге сыбайлас жемқорлық туралы мәліметтер беріп, өз елінің патриоты болып, Тәуелсіз еліміздің болашағына адал қызмет етуге шақырды.
ПІКІРЛЕР