03.10.2023 86

3 қазанда Көптілді білім беру факультеті «6В01701-Қазақ тілі мен
әдебиеті пәні мұғалімдерін даярлау» білім бағдарламасының 3 курс 301-2 топ студенттерінің  ұйымдастыруымен «Жолдауды қолдау- ел болашағын қорғау» тақырыбында дөңгелек үстел өткізілді.  Шара мақсаты Елбасы Қ.К.Тоқаевтың 2023 ж. қыркүйектегі «Әділетті Қазақстанның экономикалық бағдары» атты Қазақстан халқына жолдауын қолдау, онда қамтылған өзекті мәселелерді талқылау, студент жастар арасында маңыздылығын насихаттау болатын.
        
3 курс студенттері І.Жалгасова, Д.Мүтағалиева, А.Жаскайратов, Г.Кеңес, М.Оразғалиева,   А.Айбекова, Ж.Төлеген, З.Кәрім, Д.Далиевалар жолдауда қамтылған ел экономикасының басым бағыттарын құрайтын жаңа технологияларға негізделген индустрия, жасыл экономика, су ресурстары, ауыл шаруашылығы, транспорт логистикасы, адам капиталын дамыту, барлық салаға цифрлы технологияны енгізу т.б. ел дамуына серпін беретін өзекті мәселелерді талқылады. Дөңгелек үстел жұмысына арнайы шақырылған педагогика ғылымдарының кандидаты, профессор Б.С.Хайыржанова студент жастардың жолдауды  қолдау мақсатында үн қосуының маңыздылығын атап өтті. Топ кураторы, ф.ғ.к. А.С.Елеуова жолдаудың профессор-оқытушылар құрамы мен студенттер тарапынан зор қолдау тауып отырғанын айтып, жаңа жолдаудан   күтетін жаңалықтар мен жетістіктердің мол болатынына сенім білдірді.

Тізімге қайта оралу