ТАРИХИ ОРЫНҒА ЭКСКУРСИЯ
музей-қорығына тарихтан сыр шертер экскурсия ұйымдастырдық.
Мұражай қызметкері, жәдігерлермен таныстырушы Айкөркем Мұстажап Хан Ордалы Сарайшық қаласының тарихын жан-жақты және толық баяндады.
Қазақ даласындағы ең көне орындардың бірі–Сарайшық қаласы.
Көп жылғы ғалымдардың зерттеулері, қала орнына жүргізілген қазба қорытындылары, әсіресе 1996-2000 жылдары Батыс Қазақстан археологиялық экспедициясының Сарайшық қаласының орнына жүргізген зерттеулеріне сүйене келе көп жылдардан жинақталған жәдігерлерді толықтырып, 1999 жылы 3 қыркүйекте Көне Сарайшық қаласының тарихын, жалпы ХІ-ХУІІ ғасырдағы қазақ халқының тарихына арналған «Хан Ордалы Сарайшық» мұражай қорығы ашылған. Музей Атырау қаласынан 50км қашықтықта, Махамбет ауданында орналасқан.
Зерттеуші ғалымдар оның пайда болуын ХІІІ ғасырда, яғни Шыңғыс хан мен Батудың жасаған шапқыншылығымен байланыстырса керек. Тарихи жәдігерлермен таныстырушы Айкөркем Мұстажаптың айтқан дерегіне сүйенсек, бұл орын туралы жазба мәліметтер ХІУ ғасырдың алғашқы жартысынан басталады да, оларда Сарайшық гүлденген қолөнері мен сауда қаласы болғандығы айтылады.
Жайық жағасындағы ескі Сарайшық қаласының тарихи орнына да бардық.Ол жерден арнайы жаңа жоба бойынша жасалып жатырған жұмыстарды көрдік. Сарайшықтың төрт бағытындағы қақпасы деп біз Батыс қақпасынының тұрғызылғанын көріп тамашаладық. Сол жердегі жұмыс жасап жатырған жұмысшылардың еңбегіне, ескі қаланың орынында қазба жұмысын жүргізіп жатырған зерттеушілердің еңбектеріне куә болып қайттық. Және осы жерде ескі қаладан табылған керамиканың, сүйектердің табылған сынықтарын көрдік.
Айкөркем Мұстажаптың айтуы бойынша ескі қаланың жартысын жайық шайып кеткен, бірақ қазіргі уақытта қалған жері сақталған. Ескі Сарайшық ауылының тұрғындары тұрып жатырған орынның барлық жерінде ескі Сарайшық қаласының орыны бар, алдағы уақытты тұрғындарды басқа жерге көшіріп, зерттеу жұмыстары жүргізілетінін айтты.
Сарайшық қаласында үлкен жоба жасалынып жатыр. Ол жобаның мақсаты- Сарайшықтың орынына аспан астындағы мұражайдың жасалынуы. Міне біздер осындай тамаша көріністерге куә болып қайттық.
ПІКІРЛЕР