---

Тарихы

           Х.Досмұхамедов атындағы Атырау мемлекеттік университетінің Жоғары оқу орнына дейінгі дайындық факультеті 22.07.2012 ж. университеттің Ғылыми Кеңесінің шешімі негізінде №100/2 п бұйрығымен 27.08.2012 жылы құрылып, факультет болып жұмыс жасай бастады.

         Факультет ашылған жылдардан бастап тәжірибелі ұстаздар, ғалымдар еңбек етті. Факультет мектеп бағдарламасына сәйкес пәндер бойынша мектеп, лицей, гимназия, колледж бітірушілеріне ұлттық бірыңғай тестілеу (ҰБТ) және талапкерлерді кешендік тестілеуге (ТКТ) дайындық жұмыстарын жүргізе отырып, ЖОО білім алғысы келетін талапкерлерге қазақ (орыс) тілі және әдебиеті, математика, қазақстан тарихы, дүниежүзі тарихы, ағылшын тілі, биология, география, физика, химия пәндері бойынша қосымша білім беру қызметін ұсынып, тәрбие жұмыстарын жүргізді. Дайындық бөліміне тыңдаушыларды жинақтау үшін қалалық, аудандық бұқаралық ақпарат құралдары арқылы хабарландыру таратып, үгіт - насихат жұмыстары жүргізіледі, соның нәтижесінде оқуға ниет білдірген тыңдаушылар арқылы саны артты.

         Университетте Қазақстан Республикасының Көптілді білім беру саясатын жүзеге асыру үшін, үш тілді жетік меңгерген маман даярлау мен олардың мемлекеттік, орыс және шетел (ағылшын) тілдерінде еркін сөйлесуіне мүмкіндік беретін тілдік ортаны қалыптастыру мақсатына жетуде көптілді білім берудің инфақұрылымы жолға қойылды. Осы мақсатта 2016 жылы қыркүйекте Көптілді білім беру факультеті болып қайта құрылды.

         2017-2018 оқу жылынан факультет жанынан Көптілді дайындық кафедрасы ашылды.

         Көптілді дайындық кафедрасының меңгерушісі филология ғылымдарының кандидаты, қауымдастырылған профессор Ж.М.Абдрахманова. Кафедра құрамында гуманитарлық ғылымдар магистрі, аға оқытушы М.Ж.Аманғалиева штаттық негізде қызмет етеді.

         Кафедра екі бағыт бойынша жұмыс істейді: үш тілді жетік меңгерген маман дайындауда факультеттермен байланыста және тыңдаушылардың тілдік деңгейін арттыру және ұлты қазақ, ҚР азаматы болып табылмайтын азаматтарды жоғары оқу орнына түсуге дайындау.

         Кафедрада 2018-2019 оқу жылында ҚР мемлекеттік тапсырыс бойынша тілдік деңгейді арттыру бағытында 24 тыңдаушы және ұлты қазақ, ҚР азаматтары болып табылмайтын азаматтарды дайындау бағытындағы 24 тыңдаушы білім алуда.

Көптілді білім беру кафедрасының міндеттері:

• кафедра тыңдаушыларының қоғамдық-белсенді ортасының бірлігі мен тұтастығын сақтау;
• көптілді маман дайындаудың оқу-әдістемелік, мазмұндық, технологиялық (материалдық-техникалық, мамандар құрамы, ғылыми, оқу-әдістемелік) негіздерін дамыту;
• Қазақстан Республикасының заңдары мен нормативтік актілерімен, білім беру ұйымының ішкі тәртіп ережелерімен таныстыру;
• шетел тыңдаушыларының тәрбие жұмысын ұйымдастыру және өткізу;
• кафедра тыңдаушылары құрамын жинақтау үрдісіне қатысу, оқушылар мен тұрғындар арасында кәсіби бағдар беру жұмыстарын жүргізу;
• шетел азаматтарының ҚР оқу орындарында оқуға кешенді тестілеуге кіретін пәндерді оқыту барысында алатын мамандығына байланысты дайындығын ұйымдастыру.

Көптілді білім беру кафедрасының негізгі мақсаты:

• «Мектеп-колледж-университет» үздіксіз білім беру жүйесін құру;
• жоғары оқу орындарына оқуға түсуге және білім алуға дайындықты тиімді ұйымдастыру;
• болашақ жоғары кәсіби мамандар дайындау мақсатында қабілетті жастарды тарту;
• студент контингентін қалыптастыру мақсатындағы кәсіби-бағдар жұмыстарын қарқынды дамыту және жүйелеу.

Кафедра миссиясы:

         Еліміз дамуының стратегиялық міндеттерін іске асыруды қамтамасыз етуге мүмкіндік беретін көптілді білім беру арқылы бәсекеге қабілетті үштілді кәсіби мамандарды дайындау және мемлекеттік тапсырыс негізінде Жоғары оқу орнына дейінгі тілдік дайындық деңгейін арттыру бойынша тыңдаушыларды университетіміздің жаратылыстану бағытындағы мамандықтарға, сондай-ақ Қазақстан Республикасы азаматы болып табылмайтын, ұлты қазақ шетелдік тыңдаушыларды еліміздің жоғары оқу орындарына түсуге даярлау.

---

	Көптілді дайындық кафедрасы
	+77122276310
	a.sultangubiyeva@asu.edu.kz
	Студент даңғылы 212, бас оқу ғимараты