02.11.2023 132

1 қараша күні Атырау университеті, физика, математика және ақпараттық технологиялар факультеті, информатика кафедрасының ұйымдастыруымен «Критериалды бағалау – педагогикалық технология ретінде» атты оқу – әдістемелік семинар өткізілді. Семинар модераторы -техника ғылымдарының кандидаты, информатика кафедрасының қауымдастырылған профессоры м.а. Қабылхамит Жанаргүл Тоғайбайқызы.
    Семинар мақсаты: критериалды бағалауды ұйымдастыру тәсілдерін білуді, тиісті әдістемелік құралдарды қолдануды үйрету бойынша тәжірибе алмасу.
    Семинар спикерлері: Информатика кафедрасының филиалдары қызметкерлері – жұмыс берушілеріміз және де «Білім беру жүйесіндегі информатика мен АКТ» білім беру бағдарламасы бойынша 3 курс (4 ж.) және 1 курс (2 ж.) білім алушылары болды.
Семинар 4 бөлімнен құралды.
•    1 бөлімде «Білім алушылардың жетістіктерін диагностикалау әдістері мен құралдарының қазіргі жағдайы» тақырыбымен Жанболатқызы Қарақат; «Бағалау қызметінің мәні, рөлі, функциялары, құрылымы» - Омарова Дильназ және Мұханбетқали Дамира; «Оқушылардың жетістіктерін критериалды бағалау принциптерінің мақсаттары» - Мендешова Ақбота; «Оқушыларды бағалауды ұйымдастырудың психологиялық-педагогикалық негіздерін айқындау» - Байдаулетов Ерасыл мен Рашитов Ришат атты студенттер баяндамаларын жасады.
•    2 бөлімде студенттер семинарға қатысушылар үшін дайындаған тапсырмаларын беріп, оларды бағалау тренингін өткізуге қатыстырды.
•    3 бөлімдегі тақырыптар бойынша Ж.Нәжімеденов атындағы №2 орта мектептің информатика пәні мұғалімі, педагог – зерттеуші Умбеталиева Гульмира Уткельбаевна «Разработка и экспертиза заданий для оценивания»; Қ.Сәтбаев атындағы №19 мектеп – гимназияның  информатика пәні мұғалімдері, педагог – зерттеушілер Қойбағар Гүлжан Бүркітбайқызы мен Бисекенова Бақытгүл Жолдыбайқызы «Критериалды бағалау – сапалы білім кепілі» атты жұмыс берушілеріміз сәйкесті баяндамаларын жасады.
•    4 бөлімде модератор, студенттер, семинарға қатысушы жұмыс берушілер, профессор оқытушылар құрамының бірігіп тренинг қорытындысы бойынша критериалды бағалауды ұйымдастыру нәтижесі талқыланып, таныстырылды.
-    «Оқу-әдістемелік семинар жоғары деңгейде өтті. Мақсат орындалды» - дей келе, Х. Досмұхамедов атындағы Атырау университетінің кадрларды қайта даярлау және біліктілікті арттыру кеңсесінің басшысы Гүлжан Жаманбаевна Нұрсұлтанова сөйлеген сөзінде өз бағасы мен қатар ұсыныстарын атап көрсетті.
Семинар соңында барлық қатысушыларға семинарды жоғары дәрежеде өткізуге ат салысқаны үшін алғыс хаттар мен сертификаттар табысталды.

Тізімге қайта оралу