18.10.2022 194

2022 жылдың қазан айында физика, математика және ақпараттық технологиялар факультетінің профессор-оқытушылар құрамы мен білім алушыларына Түркия мемлекетінен шақырылған профессор, PhD Джумали Яшардың дәрістері өтуде. Чанаккале қаласының Онекиз Март университетінен келген ғалым бір ай көлемінде білім алушыларға «Web бағдарламалау» және «Мәліметтер қоры және ақпараттық жүйелер» пәндері бойынша дәріс оқып, профессор-оқытушылар құрамы, департамент қызметкерлері мен магистранттарға «Сандық материалдарды өңдеу жүйелері»,  «Қашықтықтан білім беру жүйелері», «Академиялық журналдарды басқару жүйелері», «Ғылымда қолданылатын модельдеу құралдары GeoGebra, PHET», халықаралық «QWORLD» мүшелігіне қосылу туралы мазмұнды семинарларын өткізуде. Профессор университет ПОҚ және  қызметкерлерімен халықаралық ынтымақтастықты нығайту және IT саласына қажетті жаңа білім бағдарламаларын даярлау бағытындағы іс-шаралар, жаппай ашық онлайн курстар жасақтаудың ерекшеліктері, зерттеу жобаларын ұйымдастыру, кванттық компьютерлердің қолданылуы және халықаралық QWorld қауымдастығына қосылу туралы маңызды мәселелерді талқылап, ұсыныстарымен бөлісті.  

Тізімге қайта оралу