«Дүниежүзілік стандарттар» күніне орай дөңгелек үстел өтті
Стандарттар экономиканың дамуында, өнеркәсіп мүдделерін қорғауда, сауда, басқарушы құрылымдар мен тұтынушылық қозғалыстың толассыз қызмет көрсетуінде маңызды рөл атқарады. Стандарттар еліміздің әлеуметтік жағынан сәтті дамуына үлес қосатын маңызды себеп шарттардың бірі болып табылады. Стандарттардың талаптарын орындау арқылы біріншіден, адам өмірінің қауіпсіздігін қамтамасыз етеді, сонымен қатар, өнімнің бәсекеге қабілеттілігін арттыра түсіреді және өнімнің сапасының артуына мүмкіндік береді.
Осы жылы Дүниежүзілік стандарттар күні - «Жақсартылған әлемге жалпы көзқарас» ұранымен өтті.
Іс-шараға Физика және техникалық пәндер кафедрасының ардагер оқытушысы Баймукашев Лес Конысбаевич, Қазақстан Республикасы Сауда және интеграция министрлігі Техникалық реттеу және метрология комитетiнiң Атырау облысы бойынша департаментінің басшысы м.а. Имангалиева Асыл Мухитовна, «Ұлттық стандарттау және сертификаттау орталығы» АҚ Атырау облысы бойынша филиалының директоры Орунбаев Нурлан Куттыбекович, «Т-Стандарт» сынақ зертханасы Атырау облысы бойынша филиалының жетекші маманы Какимжан Айнамгуль Салимжанкызы, ИП «НМ-Даму» директоры Сугурова Малика Урметовна, «Атырау-Жарық» АҚ жетекші инженері Букеева Гаухар Есболовна, Мансап және тәжірибе офисінің жетекшісі Кулбатырова Жанна Кумаровна, сонымен қатар профессор-оқытушылар құрамы мен студенттер қатысты.
Дөңгелек үстел барысында күн тәртібіне сәйкес баяндамалар оқылып, студенттер мамандықтарына қатысты стандарттау және сертификаттау ұғымына әзірлеген өзекті мәселелер жайында баяндамалар жасап, жаңа тың жаңалықтарымен бөлісті.
ПІКІРЛЕР