Кітап менің сәуле құйған санама
Ғ.Сланов атындағы облыстық ғылыми әмбебап кітапханасында «Kitap Time» - 2022 жалпы республикалық кітап фестиваліне арналған ашық есік күні қарсаңында «Кітап менің сәуле құйған санама» атты жазушы, қазақ әдебиетінің классигі, қоғам қайраткері, Мұхтар Әуезовтің туғанына 125 жыл толуына орай «Ғұлама ғұмыр айнасы» атты тақырыптық конференция өтті.
Конференция мақсаты - әлем таныған Мұхтар Әуезов шығармаларын оқырмандарға кеңінен насихаттау.
Аталмыш шараға Х.Досмұхамедов атындағы Атырау университеті ғылыми кітапхана басшысы Мұратбек Қонысқалиұлы, физика-математика және ақпараттық технологиялар факультетінің тәрбие ісі жөніндегі декан орынбасары Гүлмайдан Мырзагерейқызы мен студенттер қатысты.
Мазмұнды жиын барысында оқырмандарға қызмет көрсету бөлімінің кітапханашылары Әуезовтің өмірі мен шығармашылығынан баяндама жасап, көлемді кітап көрмесін жасақтап, келген қонақтар назарына ұсынды.
ПІКІРЛЕР