19.09.2022 227

Ел Президентi бiздiң қоғамда негiзгi отбасылық құндылықтарды нығайтудың маңыздылығына ерекше назар аударып отырғандығын атап өтуіміз керек. Отбасы күнін  Мемлекет басшысының жарлығымен қыркүйек айының екiншi жексенбiсiнде атап өтіледі.  Осыған орай «физика, математика және ақпараттық технологиялар» факультеті отбасын құруда соңғы кезде қоғамымызда белең алған өзекті мәселелерді талқылау мақсатында  №2 студенттер үйінде «Отбасы – ұлттың тірегі!» тақырыбында кездесу кешін ұйымдастырды.
Кешке мемлекеттік қызмет және білім беру саласының ардагері, білім беру ісінің құрметті қызметкері Дүйсекенова Злиха Қадырбайқызы мен Мақат ауданының құрметті азаматы, «Қоғамдық Келісім» кеңесінің алқа мүшесі, «Елсана» рухани - патриоттық қауымдастығының «Инабат» аналар алқасының тете төрайымы Алтаева Дәмен Биханқызы арнайы қонақ ретінде шақырылды. Кездесу барысында кеш қонақтары отбасын құрудағы мақсат, міндеттердімен таныстырып, отбасы белгілі дәстүрлердің, жағымды өнегелердің, мұралар мен салт-дәстүрлердің сақтаулысы екенін өмірден түрлі мысалдар келтіре отырып түсіндірді. Студенттер қонақтарға көптен көкейде жүрген сұрақтарын қойып, өз өнерлерін көрсетті. Кездесу кешінен білім алушыларымыз үлкен әсер алып, рухани демалыс болды.

Тізімге қайта оралу