Информатика кафедрасы

Кафедра меңгерушісі
Қабылхамит Жанаргүл Тоғайбайқызы
техника ғылымдарының кандидаты, қауымдастырылған профессор м.а.


Бағдарламалар


Профессор – оқытушылар құрамы: 2019-2020 оқу жылында кафедрада 3 ғылым кандидаты; 3 магистр, аға оқытушы; 4 магистр, оқытушы қызмет атқаруда.

Салтанова Галия Айсақызы
физика – математика ғылымдарының кандидаты, қауымдастырылған профессор;

Идрисов Саламат Нұрмұханович 
педагогика ғылымдарының кандидаты, қауымдастырылған профессор;

Қабылхамит Жанаргүл Тоғайбайқызы 
техника ғылымдарының кандидаты, қауымдастырылған профессор м.а.;

Кубашева Ажар Насипкалиевна 
магистр, аға оқытушы



Жанузакова Зульфия Жанузаковна
магистр, аға оқытушы

Кумаргалиева Айнур Идаятовна
магистр, оқытушы;

Бекетова Асылай Бактибаевна
магистр, оқытушы

Гилымғалиева Алия Нұрланқызы
магистр, оқытушы



Есекенова Ақгүл Аманжоловна
магистр, аға оқытушы

Шин Вера Викторовна
магистр, оқытушы

Аманғалиева Мадина Арманқызы
кафедра лаборанты

Жаңа ақпараттық технология құралдары көмегімен компьютерлік оқыту әдістерін дамыту және жетілдіру (жетекшілер: ф.-м.ғ.к. Майлыбаева А. Д., магистр-аға оқытушы, Жанузакова З. Ж.) Ақпараттық жүйелер мен деректер қорын жобалау мен құрудың қазіргі заманғы әдістері (жетекшілер: ф.-м.ғ.к., Салтанова Г.А., магистр, аға оқытушы Мухамбетова М.Ж.) Қазіргі заманғы программалау жүйелерін қолданып компьютерлік моделдеу және қолданбалы программалық қамтуларды құру. (жетекшілер: аға оқытушылар Хамметов А., Молдашева Р.Н.). Оқу үрдісін жобалау және басқарудың компьютерлік технологияларын жасақтау қолданбалы есептерді шешуде сандық әдістерді қолдану (жетекшілер: ф.-м.ғ.к., доцент Рашбаев Ж.М., аға оқытушы Эльдарова Э.Э.) Ақпараттық процестерді және жүйелерді математикалық моделдеу; Ағымдағы ақпараттың айқын еместігінде алгоритмдерді және модельдерді өңдеу;

Мектеппен байланыс: Информатика кафедрасының бүгінгі таңда студенттердің тәжірибелік шыңдалуы мақсатында байланыс орнатқан 4 филиалдары бар. Олар: Ж. Нәжімеденов атындағы №2 орта мектеп; Қ.Сәтпаев атындағы №19 мектеп – гимназия; №38 мектеп – лицейі; Атырау қаласы, химия – биология бағытындағы Назарбаев зияткерлік мектебі.


Тарихы

            1977 жылы Гурьев мемлекеттік педагогикалық институтының Физика және математика факультетінде мектеп реформасындағы межеленген басты міндеттерді іске асыру геометрия және есептеуіш математикасы пәндерімен оқу үрдісін қамтамасыз ету мақсатында арнаулы «Геометрия және есептеу математикасы» кафедрасы құрылды. Кафедра меңгерушісі болып, ф.м.ғ.к., доцент Ж.М.Рашбаев тағайындалды.
           Сол жылдары кафедра оқу үрдісінде бар болғаны ақпаратты енгізу тәсілі перфокарта және шығару тәсілі перфолента болатын үшінші буынның ЭЕМ «Наири-2» және бірнеше электронды-пернелі жартылай автоматты «Reinmetall» типтес есептеуіш машиналарынан тұратын бір ғана зертхана болған. 1985-1986 оқу жылында бұрынғы «Кеңестер Одағы» құрамындағы барлық орта оқу орындарында мектеп реформасының негізгі бағыттарына сәйкес жалпы және арнаулы орта мектептер бағдарламасына жаңа «Информатика және есептеуіш техника негіздері» пәні енгізілді. Жаңа пәнді Гурьев және Маңғыстау облыстарының жалпы және арнаулы орта мектептерінде жүргізетін білікті мамандар жүргізді. Оларды дайындау мақсатында институттың «Геометрия және есептеу математикасы», «Алгебра және математиканы оқыту әдістемесі» кафедралары біріктіріліп «Информатика және есептеуіш техника» кафедрасы қайта құрылды.
           1986-1987 оқу жылында кафедра жанынан «Информатика және есептеу техникасы» зертханасы жасақталған. Оқу үрдісі «КУВТ-86», «Электроника», «Корвет», «Агат» «БК-0010», «YAMAHA-MSX» (Ямаха-2»), кейінгі жылдары Compaq, ІВМ РС-386, 486 және Pentium-IV дербес компьютерімен жабдықталған.
          Заман талабына сай жаңа ақпараттық технологияларды оқу үрдісіне кеңінен енгізу мақсатымен 1996 жылы кафедра атауы «Алгебра және геометрия» және «Информатика және оқытудың жаңа информациялық технологиясы» («И және ОЖИТ») аттарымен екіге бөлінді. «Информатика және оқытудың жаңа информациялық технологиясы» кафедрасының меңгерушісі болып доцент А.Хамметов тағайындалды. Физика-математика факультеті 2002 ж. бастап «010500-Информатика», «010200-Қолданбалы математика», «030200-Физика және информатика» мамандықтары бойынша кадрлар дайындай бастады.
          2003-2009 оқу жылдары аралығында кафедра меңгерушісі болып ф.-м.ғ.к. Ғ.А. Салтанова тағайындалған.
         2004 ж. «Информатика және оқытудың жаңа информациялық технологиясы» кафедрасы арнаулы «Компьютерлік және есептеу технологиялары» және жалпы университеттік «Информатика» кафедралары болып екіге бөлінген. Кафедрада жаңа «050111-Информатика», «050602-Информатика» мамандықтары ашылған. 
         2009-2010 оқу жылында кафедра жұмысын ф.-м.ғ.к. Ж.Г. Джумамухамбетов басқарған. 
         2010-2011 оқу жылында кафедра меңгерушісі болып п.ғ.д., профессор С.К. Кариев қызмет атқарған. Осы оқу жылында магистратура бойынша 6М011100 - Информатика және 6М060200 - Информатика мамандықтары ашылып, алғашқы магистрлер қабылданған. 
         2011-2013 оқу жылдары аралығында кафедра атауы «Ақпараттық жүйелер және есептеу техникасы» кафедрасы болып аталса, 2013-2014 оқу жылында «Информатика» кафедрасы болып ауыстырылған. 2011-2017 оқу жылдары аралығында кафедра меңгерушісі қызметін ф.-м.ғ.к. А.Ж.Майлыбаева атқарды. 
        А.Ж. Майлыбаеваның басқаруымен информатика кафедрасы бакалавриат, магистратура оқыту деңгейлері бойынша 28.02.2013 ж. күні 2014-2019 оқу жылдар аралығында мамандық дайындауға құқығы бар №13002658, АА сериялы ҚР БҒМ мемлекеттік лицензиясы бар мамандандырылған аккредитация мәртебесіне ие болды.
        2017 жылдың желтоқсан айынан бастап осы уақытқа дейін «Информатика» кафедрасының меңгерушісі қызметін тех.ғ.к. Ж.Т. Қабылхамит атқаруда. 2017-2018 оқу жылынан бастап информатика кафедрасының профессор оқытушылары Атырау қаласының химия – биология бағытында оқытылатын Назарбаев зияткерлік мектебінде, Ағылшын тілінде тереңдетіліп оқытылатын мамандандырылған техникалық гимназияда, Қ.Сәтбаев атындағы №19 мектеп-гимназияда, Ж.Нәжімеденов атындағы №2 орта мектепте информатика пәні бойынша филиалдарын ашып қызмет атқарып жүр. Оның дәлелі ретінде №19 Қ.Сәтбаев атындағы мектеп-гимназиясы базасында 27 сәуір 2019 ж. күні жоғары деңгейде өткен «Жаңартылған білім беру – нәтижелі сапаның кепілі» тақырыбындағы желілік семинарды атап өтуге болады.
         Ж.Т. Қабылхамиттің басқаруымен информатика кафедрасы бакалавриат, магистратура оқыту деңгейлері бойынша 2019 жылдың сәуір айында 2019-2024 оқу жылдар аралығында мамандық дайындауға құқығы бар HE-SA-000063 нөмерімен тіркелген білім сапасын аккредиттеу және сараптау бойынша ARQA тәуелсіз агенттігінің мамандандырылған аккредитация мәртебесіне ие болды.
          2019-2020 оқу жылынан бастап білім бағдарламалары бойынша оқуға қабылдау үдерісі енгізіліп, 6В01503 – Білім беру жүйесіндегі информатика және ақпараттық – коммуникациялық технологиялар, 7М01501 – Информатика және білім беруді ақпараттандыру мамандықтарына студенттер мен магистранттар қабылданды.


Информатика кафедрасы
8(7122) 27-67-52

060011 Атырау қаласы, Студенттер даңғылы көшесі, 212, №1 оқу ғимараты, №324