Инновациялық білім беру факультеті

Тарихы

Раздел не найден.


Инновациялық білім беру факультеті 1959-1960 жылдары құрылды. Факультет педагогикалық, арнайы және әлеуметтік бағыттар бойынша мамандар даярлайды.

Жоғары және жоғары оқу орнынан кейінгі білім.

Факультет құрылғаннан бері декандық қызметте болған оқытушылар:

Иманғалиев А.С, Нұрышев Ғ.Ж, Мұханбетжанова Ә.М, Барсай Б.Т, Сайлауова Н.С, Базарғалиев Ғ.Б, Койшыгулова Л.Е, Муханбетжанова А.У

Міндеттері:

- Бәсекеге қабілетті кадрларды сапалы даярлауды қамтамасыз ету.

- Әлемдік үрдістер аясында жоғары және жоғары оқу орнынан кейінгі білім беру мазмұнын жаңғырту.

- Ғылыми зерттеулер нәтижелерін және технологияларды коммерцияландыру үшін жағдайлар жасау.

- Білім алушыларды «Мәңгілік Ел» жалпыұлттық патриоттық идеясының рухани-адамгершілік құндылықтарын және салауатты өмір салты мәдениетін нығайтуға қатыстыру.

- Жоғары және жоғары оқу орнынан кейінгі білім беру менеджментін және даму мониторингісін жетілдіру.

- Оқу процесіне цифрлық технологияны кеңінен енгізу және  жобалап оқыту әдісін  жүзеге асыру.

«Педагогика» кафедра-лабораториясы, Мектепке дейінгі және бастауыш білім беру, Психология және арнайы білім беру, Дене шынықтыру және бастапқы әскери дайындық кафедраларының негізгі бағыттары:

* Қазақстан Республикасының бастауыш білім беру мазмұнын жаңарту аясында  болашақ  мамандарды даярлау;

* Мектепке дейінгі білім беруде болашақ мамандарды үштілді, көпмәдениетті және инклюзивті орта жағдайына бейімдеп даярлау;

* Білім беру мен өндіріс мекемелеріндегі психологиялық қызметті жүзеге асырудың ғылыми-тәжірибелік бағыттары, әлеуметтік ортадағы қарым-қатынас психологиясының мәселелері;  

* Педагогикалық пәндер циклін оқытуда интербелсенді және ақпараттық технологияларды пайдаланудың ғылыми негіздері мен әдістемесі;

 * Студент жастарды дене шынықтыру және спортпен шұғылдануға ынталандыру мен жалпы физикалық дайындығының диагностикасы.

Барлық педагогикалық мамандықтардың Білім Бағдарламаларындағы меңгеруге тиісті құзіреттіліктер «Педагогтың кәсіби стандартына»  сай бейімделеді.

Студентке бағытталған оқыту  жүйесі бойынша заманауи ойлауға, гуманистік идеяларға, адами құндылықтарға, инновациялық іс-әрекет етуге, үздіксіз өзін-өзі дамытуға, жаңа білім жүйесінің қажеттіліктеріне бағдарланған мамандар даярлаймыз. Профессор-оқытушылар  белсенді білім алуға, студенттер тарапынан жауапкершілікке, студенттердің дербестігінің жоғарылығына, оқу үдерісіне рефлексиялық көзқараспен қарауына, студент пен оқытушының өзара тығыз байланысына ден қойып, білім беруінің арқасында студенттеріміз көптеген жетістіктерге ие болды.«Педагогика және психология» ББ 1 курс студенті Нәсіпқали Рысжан «Жас Қыран» Республикалық үздік жастардың кітап жинағына еніп, арнайы тағайындалған ҚР «Бөбек» жалпыұлттық қозғалысы Заңды тұлғалардың қауымдастық нысанындағы бірлестігінің «Үздік студент- 2018» төсбелгісі және Құрмет грамотасымен марапатталды. «Педагогика және психология» ББ 4 курс студенті Бисембаева Айзада «Білім – Образование - Education» атты Республикалық ғылыми-педагогикалық орталығы «Жас ғалым» атты қашықтықтан II Халықаралық ғылыми – жобалар сайысынан «Практический проект» номинациясы бойынша II орынды иеленді. Студенттеріміздің арасында 7 халықаралық спорт шебері, 25 спорт шебері, 35 спорт шеберіне үміткер, 50 спортшы разрядник, бірнеше әлем чемпионаттарының жүлдегерлері бар.

Академиялық ұтқырлық бағдарламалары бойынша студенттер мен магистранттар шет тілін игеру деңгейін жақсартуға, теориялық білімі мен практикалық дағдыларын тереңдетуге мүмкіндіктері бар.

Факультеттің ғылыми әлеуеті. Факультетте  70-тен астам профессор- оқытушылар қызмет етеді, оның ішінде  4 педагогика ғылымдарының докторы, 19 педагогика ғылымдарының кандидаты, 22 магистр.  4 оқытушы докторантурада білім алуда.Қазақстанның батыс аймағындағы білім беру жүйесі мекемелеріне әдістемелік көмек көрсету орталығы болып табылады

    Факультетіміздің оқытушылары: Койшигулова Л.Е.-2016ж., Муханбетжанова А.У.-2017ж.(«Болашақ» бағдарламасының түлегі-2102ж), Сабирова Ж.Н.-2018ж.- «Жоғары оқу орнының үздік оқытушысы» атағының иегерлері.

Факультеттің ғылыми-зерттеу зертханалары:

 Халелтану. Мақсаты:қоғам қайраткері, энциклопедист-ғалым Халел Досмұхамедовтың өмірі мен шығармашылығы, отандық ғылымның дамуы мен жаратылыстану және педагогика ғылымына қосқан үлесін жан-жақты ашу; педагог-ғалымның тағылымдық мұраларындығы патриоттық тәрбие идеялары негізінде жастарды ұлтжандылыққа, елжандылыкка тәрбиелеу.

Баланы дамыту. Мақсаты: профессор-оқытушылар, студенттер мен магистранттардың зерттеу проблемалары бойынша зерттеу жұмыстарын жүргізуге және апробациялауға жағдай туғызу.

Психологиялық-педагогикалық технологиялар. Мақсаты:университетте психологиялық- педагогикалық ғылыми-зерттеу кызметін іске асыру, студенттердің тұлғалық  және кәсіби дамуына, әлеуметтік, психологиялық хал-ахуалындағы ауытқушылығын алдын-алу, университет студенттері мен қызметкерлерге психологиялық қолдау көрсету

               Факультет аясында Kids University (Балалар Университеті) - ғылыми-танымдық, оқу-шығармашылық және дамытушылыққа бағытталған қосымша білім бағдарламаларын жүзеге асыратын инновациялық білім беру жобасы жұмыс жасайды. Балалар Университетінде қосымша білім беру бағдарламалары бойынша білім алушылар - Балалар Университеті студенттерінің санатына жатады. Жоба тұлғаның таным мен шығармашылық мотивациясын дамыту; студенттердің жекелеген жастық әлеуетін барынша ашып көрсету; балалардың шығармашылық қабілеттерін, қиялы мен шығармашылық ойлауын жүзеге асыру; мәдени негізді қалыптастыру мақсатында жұмыс атқарады. Сонымен бірге, «Жас психолог», «Жас ғалым»  студенттік ғылыми үйірмелер, «Сармат» клубы және  Волонтерлар тобы» жұмыс жасайды.

Қазақстан бәсекеге қабілеттіліктің жаһандық индексі бойынша  шетелден шақырылған ғалымдардың дәрістері студенттер мен магистранттар арасында  кеңінен ұйымдастырылуда (А.Э.Буров–п.ғ.д.Астрахань мемлекеттік техникалық университеті, А.Б.Панькин- п.ғ.д., профессор Қалмақ мемлекеттік университеті, Ресей, Элиста).

Практиканың негізгі базалары және кафедра филиалдары:

Атырау облысы бойынша ішкі істер департаменті, ҚР Ұлттық ұланы 5546 әскери бөлімі, Атырау облысы бойынша  Қылмыстық атқару жүйесі департаменті, Қ.Дүтбаева атындағы Атырау гуманитарлық колледжі, №20 «Алтын балық» мүмкіндігі шектеулі балаларға арналған балабақша, №1 Олимпиадалық резервтегі  мамандандырылған балалар-жасөспірімдер спорт мектебі, Атырау облысы бойынша балалар-жасөспірімдер спорт мектебі, Аймақтық спортты дамыту орталығы, «Мұнайшы» спорт кешені, «Барыс» баскетбол клубы» ЖШС, барлық қала мектептері мен балабақшалары.

 

Сапалы білім беру – оқыту мен тәрбиелеудің үздіксіз үдерісі. Қазіргі кезде білім берудегі мақсат жан-жақты білімді, өмір сүруге бейім өзіндік ой- талғамы бар, адамгершілігі жоғары, қабілетті жеке тұлғаны қалыптастыру.

      2018-2019 оқу жылында күндізгі оқу бөлімінде – 614 студент, оның ішінде күндізгі оқу бөлімі бойынша – 67 студент мемлекеттік грант,  30 студент грант(серпін), 70 студент грант(әкім) иегері болса  447 студент ақылы негізде оқиды.  5 студент академиялық демалыста.

Факультетте  70 профессор-оқытушылар штаттық кесте бойынша жұмыс  істейді. Оның ішінде ғылыми әлеуеті 33 пайыз.