Дене тәрбиесі кафедрасы

Кафедра меңгерушісі
Ақсеріков Ғанимат Есжанұлы 
аға оқытушы

---

Бағдарламалар

Тарихы

     Дене тәрбиесі кафедрасы 1952 жылы құрылды. Алғашқы кафедра меңгерушісі қызметін А. Мазо атқарды.
      Институттың қайта құрылуына байланысты, 1955 жылы дене тәрбиесі кафедрасы Қазақ мемлекеттік дене тәрбиесі институтын бітірген жас мамандармен толықтырылды. Олар, Л.М. Сарсенов, Б. Елгундиев, Э.Т. Көркембаев. Сол жылы кафедра меңгерушісі болып Е.Т. Көркембаев тағайындалды.
      Жыл сайын педагогикалық институтта жаңа мамандықтар ашылды. Студенттер санының артуына байланысты, 1957 жылы кафедра құрамы Қазақ мемлекеттік дене шынықтыру институтын бітірген жаңа кадрлармен толықтырылды. Олар спорттың дамуына үлкен үлес қосты. Бұл - Ұлы Отан соғысының ардагері, еркін күрестен бірнеше дүркін жеңімпазы, спорт шебері, спорттық жарыстың қола жүлдегері Искаков Жорес Абдошевич, грек-рим күресі бойынша Қазақстан Республикасының чемпионы, спорт шебері, Қазақстан Республикасының еңбек сіңірген жаттықтырушысы Сатыбалдиев Сәбит Қалиұлы, баскетболшы Азнабаев Сахи, суға жүзуші Құралов Өтепқали Нысанбайұлы.
      Әр жылдары дене тәрбиесі кафедрасын басқарғандар: 1956 - 1959 жж. А.Масо, Б. Елгундиев; 1959-1963 жж. Е.Т. Көпкенбаев; 1963 - 1966 жж. Л.М. Сарсенов; 1966 - 1967 жж. Ұ.Н. Құралов; 1967-2001 жж. К.Ю. Шамбилов; 2001-2004 жж. Р.Б. Ізтілеуов; 2004-2007 жж. І.Ж. Ахметов; 2007-2020 жж. A.С. Аралбаев.
     Қазіргі  уақытта  кафедраны  философия  ғылымдарының  кандидаты, аға  оқытушы І. Ж. Ахметов басқарады.
     Кафедрада жоғары білікті оқытушылар ұжымы құрылды. Бұл оқу үдерісін әдістемелік деңгейде жоғары сапасын қамтамасыз етуге зор мүмкіндік береді.
     Кафедрада барлығы 13 оқытушы жұмыс істейді,оның ішінде 4 ғылым кандидаты, 4 магистр.
     Кафедра оқытушыларының орташа жасы -50 жас.
     Кафедра күндізгі оқу бөлімінің 1-2 курс студенттерінің «Дене тәрбиесі» пәнін оқытуын қамтамасыз етеді.
     Кафедраның функционалдық міндеттеріне келесі түрлер бойынша студенттермен оқу-тәжірибелік сабақтарды өткізу кіреді: жеңіл атлетика, спорттық ойындар (баскетбол, волейбол, футбол), күрес, және де студенттердің салауатты өмір салтын қалыптастыру және студент жастарды сауықтыру, сонымен қатар, студенттерді дене шынықтыру және спортпен жүйелі түрде айналысуға тарту.
      Сабақтар «Жайық» мәдени-спорт кешенінде, университет спорт залында және стадионында өткізіледі.
     Педагогикалық деңгейді арттыру мақсатында кафедрада өзара сабақтарға қатысу ұйымдастырылды, дене шынықтыру және спорт саласындағы өзекті мәселелер бойынша әдістемелік семинар жұмыс істейді. Кафедраның аға оқытушылары әдістемелік сабақтар өткізеді. Онда спорттың әр түрі бойынша сабақ өткізу әдістемесін көрсетеді. Кафедраның  профессор-оқытушылар құрамы дене шынықтыру оқытушылары мен студенттері үшін әдістемелік ұсыныстар мен құралдар дайындайды және шығарады.
     Кафедра қызметкерлері жыл сайын университеттің ғылыми конференцияларында баяндама жасайды. Кафедра оқытушыларының республикалық және халықаралық конференцияларда мақалалар, тезистер және баяндамалар түрінде ғылыми жарияланымдары бар. 2019 жылы кафедраның аға оқытушысы Г. Е. Аксериковтың "Scopus" базасында индекстелетін журналдағы мақаласы шықты.
     Кафедра оқытушылары мен қызметкерлері студенттермен, оқытушылармен және университет қызметкерлерімен түрлі спорттық-бұқаралық және сауықтыру іс-шараларын ұйымдастырады: студенттер мен оқытушыларға арналған спартакиадалар, денсаулық күндері, әртүрлі мерейтойлар мен атаулы күндерге арналған жарыстар, турнирлер.
     Университеттің құрама командалары қалалық, облыстық, республикалық және халықаралық  жарыстарға, сондай-ақ қала, облыс және Қазақстан Республикасы өткізетін бұқаралық іс-шараларға үнемі қатысады.
      Кафедра оқытушылары педагогикалық тәжірибе алмасу мақсатында Қазақстан Республикасының аймақтарында және жақын шетелдерде өтетін жарыстар мен әртүрлі спорттық шараларға қатысады.
     Кафедрада тәрбие жұмысы жастар саясаты департаментінің спорттық-сауықтыру дамыту бөлімінің жоспарына сәйкес жүргізіледі.

Кафедра тәрбиелеген танымал спортшылар

Байланыс