29.08.2023 27

Бағдарлама аясында студенттер мен түлектер 2023 жылғы 24 шілде – 24 тамыз аралығында Qazaqstan, «Хабар Агенттігі», Qazaq gazetteri, QazContent сияқты еліміздің ірі медиахолдингтерінде тағылымдамадан өтті. Бағдарламаға еліміздің 13 өңіріндегі 14 ЖОО-дан келген 25 студент қатысты. Үздіктің қатарында Х.Досмұхамедов атындағы Атырау университеті, Гуманитарлық ғылымдар және өнер факультетін, журналистика мамандығының 3 курс студенті Салтанат Байтекенова бар. Тағылымдама барысында студенттер отандық медиа индустрияның білікті мамандарымен және медиа-сарапшылар қоғамдастығының өкілдері – Қарлығаш Жаманқұлова, Амангелді Құрмет, Асқар Беков, Молдияр Ергебеков және Әлия Әшіммен кездесті. Сонымен қатар жас мамандар «Қазмедиа орталығын» аралап, Qazaqstan, «Хабар», «Хабар 24» телеарналарының жұмысымен танысу мүмкіндігіне ие болды.

Тағылымдама кезінде қатысушылар кәсіби дағдыларын дамытып, шығармашылық қабілетін шыңдады. Тәлімгер жетекшілігімен жас маман әртүрлі тақырыпта жазылған 8 мақаласы жарияланды. Оның 2 і газеттің бірінші бетінен орын алды.

Тізімге қайта оралу