Жаратылыстану және ауылшаруашылық ғылымдары факультеті

Талапкерге


ЖАРАТЫЛЫСТАНУ ЖӘНЕ АУЫЛШАРУАШЫЛЫҚ ҒЫЛЫМДАР ФАКУЛЬТЕТІ

ФАКУЛЬТЕТ ТАРИХЫ 1950 жылы құрылған мұғалімдер институтынан бастайды. Елімізде жүйелі жаратылыстану-ғылыми білімнің дербес дамуына бастау алады. Жаратылыстану және ауылшаруашылық ғылымдар факультеті университетіміздің қарқынды және тұрақты дамып келе жатырған факультеттерінің бірі.

Факультеттің негізгі міндеті ғылыми зерттеулерді жоспарлау, ұйымдастыру жəне қамтамасыздандыру, жоғары маманданған кадрларды дайындау, зерттеу нəтижелерін алу жəне оларды Қазақстан Республикасының экономикасын көтеруге жəне тұрақтандыруға бағытталған өндірістің сəйкес салаларына факультетінің оқу процесіне мамандарды дайындау жұмыстары жүргізілуде.

Оқу үш тілде: қазақ, орыс және ағылшын тілдерінде жүргізіледі. Оқудың түрлері күндізгі және қашықтықтан оқыту. Сонымен қатар шетелдің оқытушылары да білім береді. Оқу үлгеріміне қарай біздің студенттер таңдаған бағыттары бойынша шет елдер мен Қазақстанның кез келген жоғары оқу орындарында академиялық ұтқырлықпен семестрлік білім алса, магистранттар ғылыми тағылымдамадан өтіп, оқытушылар ғылыми конференцияларға қатысуларына жағдай жасалған.

Факультеттің шет ел университеттерімен тығыз оқу-әдістемелік және ғылыми байланыстары бар. Факультетте 14 бағыт бойынша жоғары білім (бакалавриат) алып, магистратура оқуын жалғастыруға мүмкіндіктер бар.

ДАЙЫНДАУ БАҒЫТЫ. Оқу үрдісінің айналымы бойынша факультеттің кафедралары құрыла бастады, қазіргі таңда факультетте 4 арнаулы кафедра қызмет етіп келеді:

  • Биология және ауылшаруашылық пәндері кафедрасы
  • География, туризм және су ресурстары кафедрасы
  • Химия және химиялық технология кафедрасы
  • Экология кафедрасы

 

Сонымен қатар биылғы білім беру жүйесінің жолдауында педагогтардың біліктілігін арттыру және мәртебесін көтеру мәселесінің қағидасын ұстанып, ғылыми-педагогикалық тәжірибесі мен еңбегі мол доцент, профессорлар және үнемі өзіндік ізденіс жұмыстармен шұғылданатын жас оқытушылар сабақ береді.

Ғылыми әлеуеті: Жаратылыстану ғылымдары факультетінің –оқытушыларының 80% біздің факультет түлектері. Факультетімізде «ЖОО-ның үздік оқытушысы» конкурсының жеңімпаздары, ғылыми дәрежелері және атақтары бар маман иегерлері қызмет етеді. Қазіргі таңда факультетте 70 оқытушы, оның ішінде 5 ғылым докторы, 22 ғылым кандидаты, 3 PhD, 38 магистрлер құрайды.

Әр оқу жылында университет қабырғасында белсенді, үздік студенттер түрлі атаулы шәкіртақыларға, білім гранттарына және отандық, шетелдік компаниялардың демеушілігіне ие болады. Білім алушылардың академиялық бағдарламасы бойынша еліміздің және шетелдік жетекші оқу орындарында (Англия, Латвия, Швейцария, Польша, Чехия, Финляндия, Венгрия, Ресей) білім алуына зор мән беріп отыр. Факультет ғылым докторлары, ғылым кандидаттары және магистр оқытушылары сапалы білім берумен қатар студенттердің ғылыммен айналысуына мол мүмкіндік жасап, жетекшілік етеді. Білім алушылардың өзіндік танымдық қабілеттерін дамыту, рухани-ізденістерін шыңдау, жарыс, шығармашылық шаралар, конкурс, дебаттар, ғалымдармен кездесу т.б. жиі өткізіліп отырады. Шақырылған шетелдік ғалымдар факультетте жүйелі түрде дәріс оқып, өздерінің тәжірибелерімен бөлісуді дәстүр қылған. Осы мақсатта Гилян (Иран) университеті, Ресей мемлекеттік университеттерінің профессорлары мамандарымен бірлесе отырып, білім беру бағытында жұмыстар атқарып келуде.

2019-2020 оқу жылынан бастап экология бағыты бойынша магистранттар университетте оқып, екі мемлекеттің дипломын алуға мүмкіншілік пайда болды.

 

Материалдық база: Факультеттегі ғылыми-зерттеу жұмыстары мен келісімшарт негізінде қызмет көрсету қазіргі заманға лайық технологиялық құралдармен шоғырланған, аккредиттелген «Токсикология» ауа, су және топырақты реттейтін көптеген ғылыми, шаруашылық, педагогикалық «SWAPTEL» зертхана бағытында жүргізілетін базаларда өтеді.

Білім алушылар үздік білім мекемелерінде, еліміздің танымал компанияларында, өндіріс орындарында әр жыл сайын іс-тәжірибеден өтуге мүмкіндікке ие. Оқу-далалық практикалары еліміздің әр аймақтарында және шет елдерде жүргізіліп келеді. Студенттерге жан-жақты сапалы білім беруде ғылыми үйірмелер мен зертханалардың маңызы ерекше.

Факультет студенттерге оқу-өндірістік және дипломалды өндірістік тәжірибеден өтуді еліміздің және қаламыздың алдыңғы қатарлы мекемелерінде, мемлекеттік ұйымдарында өтуге зор мүмкіндік ұсынады. Қазіргі кезде факультет бітірген түлектер еңбек нарығында еркін бәсекелестікке ие.

Білім бағдарламасына негізделген білім беру жүйесі: Білім беру жүйесі университетінің аймақтық өзгерістер субъектісі ретіндегі жаңа ролі мен жергілікті қоғамды, қаланы және аумақты дамытуға араласуы арқылы аймақтың инновациялық өсуіне қолдау көрсетуді білдіреді.

Жаратылыстану және ауылшаруашылық ғылымдар факультетінің оқытушылары мен білім алушылары үшін оқу үдерісін шығармашылық, ғылыми және қоғамдық жұмыстарымен байланыстыру арқылы білім алушылардың басым бөлігін оқу үдерісінен тыс жұмыстарға тартып, жоғары нәтижелерге қол жеткізуге мүмкіндіктер пайда болды. Университетте «ASUmit» қамқорлық қоры, «Сенатор» дебат клубы, «Адал ұрпақ» жемқорлыққа қарсы клуб, «Болашақ» спорт клубы, «ASU life» медиа клубы, «BBS» еріктілер клубы, «Халел Гранд» КТА тобы, «Жастар жалыны» студенттік театры секілді талантты жастарды қоғамдық қызметке тартатын әртүрлі клубтар, жастар ұйымы, секциялар мен үйірмелер қызмет көрсетеді.

ЫНТЫМАҚТАСТЫҚ: Ғылыми-педагогикалық тәжірибе алмасу үшін халықаралық ынтымақтастық шеңберінде Израильдік, Туркиялық, Ресейлік, Украиналық профессорлар шақырылып отырады. Қазіргі таңда халықаралық білім беретін стандарттардың жаңа тенденцияларынан артта қалмау өте маңызды.

Еліміздің жоғары білім беру жүйесіне еніп жатқан соңғы өзгерістің бірі – білім алушылардың академиялық ұтқырлығы. Білім алушылардың академиялық ұтқырлығы – студент – магистранттардың басқа жоғары оқу орны қабырғасында білім алуына беріліп отырған мүмкіндік. Осы білім беру жүйесімен, факультеттің студент – магистранттары көптеген жақын және алыс шетелдерде білім алуда.

Зерттеу бағдарламалары бойынша бірлескен жобаларды қолдауға қатынасу, халықаралық семинарларға, симпозиумдарға және конференцияларға қатысу, шет елдік мамандарды тарту, әр түрлі халықаралық ұйымдармен белсенді ынтымақтасу, көп тілді білім беруді дамыту, қос дипломды білім беруді дамыту болып табылады.

Әлемдік кәсіби тренд талаптарын, жаңа кәсіптер Атласын және еңбек нарығы мен жұмыс берушілер сұранысына қарай білім беру бағдарламаларын жасақтауға Атырау облысының кәсіпкерлер палатасы қатысып келеді.

Еңбек нарығындағы жұмыс берушілердің талаптарын орындау бағытында Жаратылыстану және ауылшаруашылық ғылымдар факультеті оқу үдерісін ғылым және өндіріспен интеграциялау бойынша жүйелі түрде жұмыс жасап, нәтижесінде филиалдар қызмет етуде.


Құрметті талапкер!

Сіз әлемге өзінің бай тарихымен және ұлы жетістіктерімен ерекше танымал Халел Досмұхамедов атындағы Атырау мемлекеттік университетін таңдауыңыз қажет, себебі:

  • Кәсіби мансап пен өмірлік жетістік үшін өзіңе сенімді негізді қамтамасыз ете отырып, алдыңғы қатарлы, елімізге қажетті және лайықты төленетін мамандықты ала аласыз;
  • Ақысыз білім ала аласыз, себебі жаратылыстану және ауыл шаруашылығы ғылымдары факультеті университетте ең көп мемлекеттік гранттарға студенттерді қабылдауға ие және де біздің студенттер әртүрлі степендиялардың иегерлері;
  • Түлектің кәсіби қызметіне жеңіл бейімделуіне мүмкіндік беретін заманауи лабораторияларда білім ала аласыз;
  • Ғалымдардан білім алып, СҒЗЖ, ұжымдық іргелі және қолданбалы ғылыми зерттеулерге қатысып, өзіңіздің ғылыми-шығармашылық қалыптастыра аласыз;
  • Алдыңғы қатарлы шетелдік университет-серіктестермен академиялық тәжірибе алмасу бағдарламаларына қатысып, екі жақты диплом ала аласыз;
  • Мамандық бойынша диплом және Лейтенант атағын алу тамаша мүмкіндік.

Буклет