Тарихы

Факультет өз тарихын 1950 жылы құрылған мұғалімдер институтынан бастайды. 1963 жылы «Жалпы биология» бөлімі физика-математика факультетінде болып, бұл бөлімді аға оқытушы И.Ищанов басқарды. 1964 жылы осы мамандыққа 50 абитуриент қабылданып, «Жалпы биология» бөлімі екі кафедраға бөлінді. Химия кафедрасын аға оқытушы М.Шакиров және «Биология» кафедрасын аға оқытушы Қ.Әжіғалиев басқарды.

1967 жылы аталған мамандық физика-математика факультетінен бөлініп, өз алдына дербес факультет болып құрылып, оның деканы болып аға оқытушы Қ.Әжіғалиев сайланды. Өз алдына құрылған факультет «Биология және ауыл шаруашылығы негіздері» деп аталды.
Әр жылдары факультет басқарған Қ.Әжіғалиев (1967-1968), Ж.Садықов (1969-1972), Қ.Әжіғалиев (1973-1976), С.Әбілаев (1976), М.Ж.Алдабергенова (1976), Б.Ж.Жанетов (1985-1991), М.А.Алдамжарова (1991-1993), Қ.А.Әжіғалиев (1993-1997), Ә.З.Сапаров (1997-2013), С.К.Қасенов (2013-2014), Б.З.Кенжеғулов (2014-2015), А.А.Мусаева (2015-2017) факультет дамуына өз үлестерін қосты.
2017 жылдан бастап «Жаратылыстану және ауылшаруашылық ғылымдары» факультетінің деканы болып PhD Рауан Шәріпбайұлы Абдинов жұмыс істеуде.

Бұдан 67 жыл бұрын құрылған факультетте жаратылыстану, мұғалімдік және ауыл шаруашылығы бағытындағы мамандықтар бойынша күндізгі бөлімде 5 мыңға тарта жастар білім алып, қазір олар өндірістің әр саласында, мектептерде еңбек етіп жатыр. Ал, олардың 26-сы ғылыммен шұғылданып, доктор, ғылым кандидаты атақтарына ие болды.