САПА МЕНЕДЖМЕНТІНІҢ МАҚСАТТАРЫ
Жаратылыстану және ауылшаруашылық ғылымдары факультетінің сапа менеджменті саласындағы мақсаттары төмендегідей:
-
Қазіргі заманғы үздіксіз дамытылатын оқыту жүйесінің негізінде жаратылыстану ғылымдары аясында және білім берудің әр түрлі салаларына қажет жоғары білікті, бәсекеге қабілетті мамандарды (100 – ден кем емес) дайындау;
-
Ғылыми дәрежесі мен атағы бар оқытушылардың санын көбейту мақсатында профессор – оқытушылар құрамының ғылыми және кәсіби біліктілігін арттыру, олардың білім жоғарылату институттарынан (БЖИ) өтуін қамтамасыз ету ( 1 докторлық диссертация қорғауы және 10 оқытушының білім жоғарылату институттарынан өтуі);
-
Университет басшылығы мен барша ұжымының сапаға қойылатын талаптардың орындалып, қолдау көріп жатқандығына сенімдерін арттыру;
-
Қазақстан Республикасының мемлекеттік жалпыға міндетті білім беру стандартының талаптарына сәйкес, оқу үрдісін әдістемелік қамтамасыз ету деңгейі мен сапасын арттыру (жыл сайын 1-2-ден кем емес оқулық немесе оқу құралын және 3-тен астам оқу-әдістемелік құралдар шығару);
-
Қабылдау компаниясын өткізу кезінде кәсіби бағдарлау жұмыстарының формалары мен тәсілдері, жарнамалық және үгіт – насихат жұмыстарының негізінде тиісті мамандықтарға түсетін талапкерлердің санын көбейту (талапкерлердің санын 15 % -дан кем болмайтындай өсіру);
-
Қазіргі заманғы ақпараттық-коммуникациялық технологиялар мен жаңа техникаларды қолданысқа енгізу және жетілдіру, материалдық-техникалық базасын дамыту (суды, SWAPTEL ауасын, топырақты зерттейтін арнайы мамандандырылған лабораториялар ашу, университеттің профессор-оқытушылар құрамын электронды оқу-құралдарымен қамтамасыз ету.
-
Профессор – оқытушылар құрамы мен студенттердің әлеуметтік сақтандырылуын жоғарылату;
-
Оқу – тәрбие үрдістерін жетілдіру мақсатында студенттерге жалпы адами, ұлттық-мәдени және патриоттық тәрбие беру арқылы олардың, университеттің қоғамдық өміріне белсене араласуына жағдай жасау (университеттің мәдени, қоғамдық және спорттық–сауықтыру шараларына қатысатын студенттер санын 70%-ға дейін арттыру);
-
Қабылдау компаниясын өткізу кезінде, кәсіптік бағдар берудың формалары мен тәсілдері, жарнамалық және үгіт – насихат жұмыстарының негізінде биология, химия, экология мамандықтары бойынша магистранттардың санының өсуін қамтамасыз ету (магистранттардың қабылдануын 20% -дан кем емес деңгейге дейін өсіру);
-
Кредиттік жүйе бойынша бакалавриатты 14 мамандықтан және магистратураны 3 мамандықтан күндізгі оқыту түрінде студенттерге сапалы білім беруді қамтамасыз ету.