SCIENCE CAFЕ алғашқы жұмысын бастады

Х.Досмұхамедов атындағы Атырау университеті Жаратылыстану және ауылшаруашылық ғылымдары факультетінің стратегиялық даму және ғылыми жұмыстары негізінде ұйымдастырылған SCIENCE CAFЕ алғашқы жұмысын бастады. Факультетте SCIENCE CAFЕ аясында 9 ғылыми –зерттеу мектептері жұмыс жасайды.
1. Б.ғ.д., профессор С.Зұлхарнайқызының ғылыми-зерттеу мектебі;
2. «Биогеномика» ғылыми-зерттеу мектебі;
3. «ЭКОС» ғылыми-зерттеу мектебі;
4. «ЭПР» (электронды парамагнитті резонанс) ғылыми-зерттеу мектебі;
5. «Дәстүрлі емес энергия көздері» ғылыми-зерттеу мектебі;
6. Х.ғ.к., қауымдасқан профессор м.а. Г.Б.Тулемисованың ғылыми-зерттеу мектебі;
7. «Зерде» географиялық ғылыми-зерттеу мектебі;
8. «Саяхат» туристік ғылыми-зерттеу мектебі;
9. «Гидрология» ғылыми-зерттеу мектебі.
Әр ғылыми – зерттеу мектептерінің құрылудағы мақсаты - өздеріне тән жинақталған тәжірибесі, білім жүйесі, ғылымдағы көзқарасы мен жаңалығымен таныстырылып, өзекті мәселерді талқылайтын пікір алмасу ортасын қалыптастыру болып табылады.
2020 жылдың 12-қараша күні «ЭКОС» ғылыми – зерттеу мектебі «Атырау университеті аумағының радиациялық фонын зерттеу» тақырыбында т.ғ.к. қауымдастырылған профессор м.а. Есенаманова Мансия Санаковна баяндама жасады. Жұмыстың негізгі мақсаты –Х.Досмұхамедов атындағы Атырау университетінің радиациялық фонының шекті рауалды концентрациясын есептеу.
Зерттеу нәтижелеріне сүйене отырып, мынадай қорытынды жасауға болады: Х.Досмұхамедов атындағы Атырау мемлекеттік университетінің радиациялық фонын зерттеу кезінде, оның ғимарат аралық көрсеткіштері салыстырмалы деңгейде қауіпсіз екенін анықтадық. Зерттеу кезінде аумақтың радиациялық фонын анықтау үшін ДРГ 01-Т1 дозиметр құралы қолданылды. Орта деңгей 10-15мк Р /сағ құрады. Ескере кететін жайт, ШРК белгіленген нормасы 30мкР/сағ тең. Бұндай көрсеткіш адам өмір сүруі үшін зиянсыз доза болып табылады. Радиация фонының материалдарға байланысты өзгеруінің ықтимал себептері мен заңдылықтары анықталды. Олар:
·        Құрылысқа пайдаланылған материал құрамы (қиыршық тас, құм, топырақ, бетон)
·        Осы концентрациядағы доза мөлшері
·        Заттың ескі әрі жаңа болуы.
«ЭКОС» ғылыми –зерттеу мектебінің «Атырау университеті аумағының радиациялық фонын зерттеу» тақырыбындағы баяндамасына қатынасқан, пікір қалдырған әріптестерге, ғалымдарға, магистранттарға және студенттерге алғыс айтамыз.