Экология кафедрасы

Кафедра меңгерушісі
Есенаманова Мансия Санаққызы
техника ғылымдарының кандидаты

Бағдарламалар

• 
  Мамандықтары
• 
  Профессорлық-оқытушылық құрамы
• 
  Кафедрадағы жобалар
• 
  Мектеппен байланысы

Экология кафедрасының тарихы 2005 жылдан басталады. Жалпы университеттің тарихында Экология мамандығы студенттерді 2002 жылда қабылданған, және кафедраның құрылуы кезінде бірінші түлектер бітірген.

Экология кафедрасы 6B05201 – Қолданбалы экология және 7М05201-Қолданбалы экология (магистратура) оқу бағдарламалары бойынша мамандықтарды дайындайды.

Экология мамандықтарының студенттерілеріне «Көп тілдер» бағдарламасы бойынша тереңдетілген ағылшын бен қазақ тілі және кәсіптік пәндері бойынша ағылшын тілінде сабақтар жүргізіледі.

Студенттердің ғылыми – зерттеу жұмыстары кафедраның профессор – оқытушы құрамының басқармасымен «Экос» секция бойынша кружоктың жұмысы ұйымдастырылған, онда студенттер курстық пен диплом жұмыстар бойынша ғылыми зерттеулерді жүргізеді.

Оқу және ғылыми-жұмыстар нәтижелерін студенттерінің жетістіктерінен көруге болады:

2012-2013 жылы Республикалық олимпиадаға қатысқан студенттеріміз  2-ші орынға иеленді.

2013-2014 оқу жылының сәуір айында экология мамандығының студенттері Қазақстан Республикасының І Ұлттық Экологиялық  жастар форумына қатысып  І-ІІІ дәрежелі дипломдар мен сертификаттарға ие болды және «Агенство Хабар» АҚ «Экология моего Я» видео-жұмыстың конкурсына қатысқан Атырау мемлекеттік университетінің экология мамандықтар тобының шығармашылық және өзектілік үшін дипломмен марапатталды.

2014-2015 оқу жылы науырыз айында 5В060800-Экология мамандығының студенттері Қазақстан Республикасының ІІ Ұлттық Экологиялық  жастар форумына қатысып гран-при және І-ІІІ дәрежелі дипломдарға ие болды.

2015 жылдың 25-29 науырыз аралығында Алматы қаласында әл-Фараби атындағы Қазақ Ұлттық университетінде экология пәні бойынша VII Республикалық пәндік олимпиада экология мамандығының студенттері «Мұнайлы өлкесі» атты командалық топпен олимпиадаға қатысып «Жасыл экономикаға көшудің экологиялық тәсілі» атты ғылыми жобада толық ашқандықтан ІІ дәрежелі дипломмен бағаланды.

Оқу процесінің маңызды бағыттарының бірі практикалар: оқу, өндірістік және дипломалды практикалар.

Оқу, өндірістік және дипломалды практикалар мекемелер базасында шартқа сәйкес ЖШС «Эконорматив», Атырау облыстық санитарлық сараптама орталығы, ЖСШ «Атырау гидрогеология»,  Атырау облысы бойынша Экология департаменті, Атырау облысы табиғат ресурстар және табиғат пайдалануды реттеу басқармасы, «Ақжайық» мемлекеттік табиғи резерваты» мемлекеттік мекемесі, Атырау облысы бойынша  «Казгидромет» РМК филиалы мекемелерінде өтеді.

Экология мамандығының түлектері әртүрлі салада жұмыс жасайды, олар: Атырау облысы бойынша экология департаменті, Атырау облысы табиғат ресурстар және табиғат пайдалануды реттеу басқармасы, ЖШС «Теңізшевройл», АджипККО, Атырау мұнай өндеу зауыты, Жылу электр орталығы, Қазгидрометорталығы, «Ақжайық» табиғи резерваты, облыстық және қалалық СЭС (санитарлық-эпидимиялогиялық стансылар), Төтенше жағдайлар департаменті, «Макат Тазалық» ЖШС, ҚазМұнайГаз» АҚ, «Шыңдау» ЖШС, Каспий өңірінің қазіргі замаңғы коледжі, Атырау аграрлық-техникалық коледжі, Атырау бизнес және құқық коледжі, Теңіз балық өндірістік коледжі, облыстық және қалалық орта мектептері және т.б.

5В060800-Экология мамандығына түсу үшін таңдау пәні ретінде «Биология мен географияны» таңдау қажет

Біліктілігі «Эколог»

Қызметі - Эколог-биолог, эколог-топырақтанушы, эколог-географ, эколог-химик, эколог-физик, эколог-сараптаушы, эколог-зерттеуші, орта және арнайы орта оқу орындарының биология, география және экология пәндерінің оқытушысы.

Жоғарғы базалық білімі бар түлектер келесі қызметтерде жұмыс істей алады: өндіріс салаларындағы эколог, орта және арнайы орта оқу орындарының оқытушысы, қоршаған ортаны қорғау бойынша инспектор, эколог-инженер,  ғылыми-зерттеу мекемелерінде және оқу орындарында эколог-лаборант, менеджер

.

  6B05201 – Қолданбалы экология мамандығы бакалаврының біліктілік сипаттамасы

Кәсіптік қызмет аймағы

Экология саласында жоғары базалық білімі алған түлектер ғылыми-зерттеу,  өндіріс және білім беру саласында, мониторинг, табиғи ортаның сапасын және халықтың денсаулығын бақылаушы экологиялық мекемелерде қызмет етуге дайындалған.

Кәсіптік қызмет объектілері

Түлектердің кәсіби қызмет объектілеріне ұйымдық құқтық, меншіктік және қатысушыларының категориясының (ҚР резиденті емес және резиденті) ерекшеліктеріне қарамастан ұйымдар мен фирмалар, ұлттық парктер, қорықтар, қорықшалар, биосфералық қорықтар, зоологиялық бақтар, ботаникалық бақтар, құрлықтық, сулық және урбандалған экожұйелер, санитарлы-эпидемиялогиялық стансылар, өнеркәсіптік мекемелер, агроөнеркәсіптік кешендер, сынақ алаңдары, энергетика нысандары, АЭС, білім беру мекемелері, сондай-ақ адам мен биосфераның қарым-қатынас проблемалары жатады.

Кәсіптік  қызмет мазмұны

       Табиғи экожүйелердің қызмет атқару заңдылықтарын зерттеу және бұзылған территорияларды қалпына келтіру: ауа бассейнінің, сулық ортаның, топырақ жамылғысының сапасын бағалау, өсімдіктер мен жануарлар дүниесінің, адам денсаулығының ахуалын, болжау модельдерін жасау, экономикалық процестердің нақты өндіріс саласына немесе жеке өндіріс орындарына жеке, жалпы және арнайы экономика заңдарының әсерін байқау, жағдайлар мен факторларды зерттей отырып ішкі резервтерді пайдалану арқылы өнімділіктің ең жоғарғы дәрежесіне жеткізу.

Кәсіптік қызметінің түрлері

  6B05201 – Қолданбалы экология мамандығының бакалавры келесі кәсіптік қызмет түрлерін атқара алады:

• ұйымдастырушылық-басқарушылық қызметі - табиғатты қорғау нысандарының бақылау қызметін ұйымдастыру және жоспарлау; басқа мамандармен бірігіп ғылыми-әдістемелік және ұйымдық-технологиялық басқару негіздерін жасауға қатысу;
• өндірістік-технологиялық қызметі - табиғи және өнеркәсіптік нысандарды сараптау және паспорттау үшін қажетті мәліметтер жинау және оларды талдау;
• сервистік-пайдаланушылық қызметі экологиялық жүйелердің тұтастығын және экожүйелердің орнықтылығын сақтау мақсатында қоршаған ортаның сапасын нормалау жөніндегі практикалық ұсыныстар жасау, қоршаған ортаға көрсетілетін жағымсыз антропогендік әсерді кеміту және биологиялық әралуандылықты сақтау мақсатында әртүрлі өнеркәсіп орындарында экологиялық қауіпсіз технологиялар енгізу жөнінде ұсыныстар жасау;
• эксперименталдық-зерттеушілік қызметі - ғылыми эксперименттерді жүргізу және ұйымдастыру, бұзылған экожұйелерді қалпына келтіру және табиғатты ұтымды пайдалануға бағытталған жаңа экологиялық әдістер мен технологиялар жасау;
• білім беру (педагогикалық) қызметі   халықтың әртүрлі  топтарына экологиялық білім және тәрбие беру үшін орта және арнайы оқу орындарында оқу процесін ұйымдастыру және атқару;
• жобалау қызметі - жобалардың техника-экономикалық негізін және жобаның ұйымдастыру деңгейлеріне қатысу.

7М05201-Қолданбалы экология мамандығы келесі оқу бағдарламалар бойынша  қабылдайды:

Ғылыми-педагогикалық магистратура бойынша (2 жыл)

7М05201-Қолданбалы экология 

Осы модульді білім бағдарламаның түлектеріне 6М060800-Экология мамандығы бойынша жаратылыстану ғылымдарының магистрі дәрежесі беріледі

Бейіндік магистратура бойынша (1 жыл)

7М05201-Қолданбалы экология 

Осы модульді білім бағдарламаның түлектеріне 6М060800-Экология мамандығы бойынша жаратылыстану білімінің магистрі дәрежесі беріледі

Кәсіби қызметінің нысандары: табиғи, антропогенді, табиғи-шаруашылық, экологиялық-экономикалық, өндірістік, әлеуметтік, қоғамдық, территориялық жүйелер және жаһандық, ұлттық, аймақтық және жергілікті деңгейлердегі құрылымдар, сондай-ақ, барлық шаруашылық қызмет үлгілерінің экологиялық құрамдас бөліктерін мемлекеттік жоспарлау, бақылау, мониторинг, сараптау; тұрғындарға білім беру, ағартушылық қызметі және денсаулығы, демографиялық үдерістер, барлық деңгейдегі тұрақты даму бағдарламалары; әкімдіктер, департаменттер және басқармалар; мектептер мен жоғары оқу орындары; мемлекеттік есем ұйымдар.

2018 жылдан бастап 7М05201-Қолданбалы экология (ғылыми-педагогикалық бағыт) білім беру бағдарламасы бойынша дайындық Астрахань мемлекеттік техникалық университетпен бірлескен екідипломдық бағдарлама бойынша жүргізіледі:

Байланыс