Экономика және құқық факультеті. Жаңалықтар

«Қазіргі кезеңдегі жастар мен ғылым»

«Қазіргі кезеңдегі жастар мен ғылым»

12 cәуір - Ғылым күніне орай Экономика және құқық факультетінің Құқықтану кафедрасының ұйымдастыруымен «Қазіргі кезеңдегі жастар мен ғылым» атты тақырыпта дөңгелек үстел өткізілді.

Дөңгелек үстелге саясаттану ғылымдарының докторы Сайфолла Жұмабайұлы Сапанов, тарих ғылымдарының кандидаты, қауымдастырылған профессор Әділбек Олжабайұлы Тұрдалиев, Құқықтану кафедрасының меңгерушісі, заң ғылымдарының кандидаты, қауымдастырылған профессор Жанна Бекболқызы Шаяхметова, сондай-ақ Құқықтану кафедрасының профессор-оқытушылар құрамы және аталған мамандықтың студенттері қатынасты.

Саясаттану ғылымдарының докторы Сайфолла Жұмабайұлы Сапанов елімізде және Х.Досмұхамедов атындағы Атырау мемлекеттік университетінде жүргізіліп жатқан ғылыми жұмыстар төңірегінде, сондай-ақ бұл жұмыстарға жастардың қатысу мәселесі турасында әңгіме өрбіді. Дөңгелек үстелдің барысында шақырылған қонақтар мен студент жастар арасында тақырып бойынша пікірталас өтті.

Студенттер өздерін толғандырып жүрген сұрақтарын қойып, тиісті жауаптарын алды.

Кездесу соңында кафедра меңгерушісі, заң ғылымдарының кандидаты, қауымдастырылған профессор Жанна Бекболқызы Шаяхметова қатысушыларға алғысын білдірді.

ПІКІРЛЕР

Тізімге қайта оралу