Х.Досмухамедов атындағы университетінде семинар өтті
Қазақстан Республикасы Президенті Қ.Тоқаевтың 2023ж. қыркүйегіндегі Қазақстан Халқына «Әділетті Қазақстанның экономикалық бағдары» Жолдауының басымдықтарының бірі «Білім, ғылымның сапасын арттыру».
Қазіргі заманда елімізде мемлекет алдындағы басты мәселелерінің бірі білім беру сапасын арттыру бірқатар жаһандық және күрделі мәселелер болып отыр. Еліміздің адам капиталының сапасын арттыру үшін жауапкершілік білім беру жүйесіне жүктеледі.
Әлемдік білім кеңістігіндегі оқытудың озық технологияларын қамтитын жаңа білім мазмұны шынайы жарыс, адал бәсекеге қабілетті адам тәрбиелеуді қамтамасыз етуге тиіс. Білім беру жүйесі білім беру қызметтерінің бәсекеге қабілеттігін ішкі, сондай-ақ, халықаралық нарықта қамтамасыз етуі, Қазақстан халқының басым көпшілігін бәсекеге қабілеттік мәселесін саналы түрде қалыптастыруы, жоғары білімді мамандардың бәсекеге қабілетті болуына қалыптастыруы қажет.
ХХІ ғасырдағы білім берудегі ерекшеліктердің бірі оның интеграциялық сипаты болып табылады. Қазақстандық педагогикалық ғылым мен тәжірибе білім беру мазмұнын өзгерту арқылы интеграциялық үдерісті ескере отырып, мамандарды даяр- лау сапасын қамтамасыз ету жағдайы мен мүмкіндіктерін іздестіру үстінде.
Оқытушы тұлғасы, оның кәсіби біліктілігі, рухани байлығы ЖОО-дағы оқу-тәрбие үдерісінің тиімділігін қамтамасыз етудегі маңызды жағдай болып табылады. Оқытушының тұлғалық және кәсіби маңызды сапасын қалыптастыру мәселесі психологиялық-педагогикалық зерттеулерде өз маңыздылығын жоғалтпайды. Барлық деңгейдегі педагогтардың инновациялық іс-әрекетке даярлығын қалыптастыру стратегиясын тұлғаны дамыту және өзін- өзі дамыту тұжырымдамасы анықтайды. Жаңа білім беру парадигмасын жүзеге асыру жағдайы ақпаратты жылдам әрі сапалы талдай білу, маңыздылығын бөліп алу, мазмұнын жариялау және өз білімін тәжірибелік әрекетте қолдана білу қабілеттерін қалыптастыруды талап етеді.
Осы өзекті мәселе аясында Х.Досмухамедов атындағы университетімізде семинар өткізілген болатын. Семинарға қатысқан Қаржы және есеп кафедрасына жаңа оқу жылынан бастап қабылданған оқытушылар Турдалиева Р.К., Жанаева А.А. қатысып, көптеген өзекті мағлұматтар алынды.
Семинар барысында, университеттің академиялық сұрақтар жөніндегі вице-проректоры э.ғ.к., қауымд.профессор Ж.О.Сулейменованың, оқыту үрдісіндегі инновациялық бағыттарына көңіл бөлінді. Педагогикалық эрудиция, педагогикалық диагностика, педагогикалық технология, замануи педагог, инновациялық білім беру бағдарламалар туралы жоғары деңгейде ақпарат алынды. Сонымен қатар, бүгінгі талаптарға сай, келесі мамандықтар «ойын педагогы», «кәсіби бағдар беруші», «жобалық оқытуды ұйымдастырушысы» сұранысқа ие екендігі айтылды. Сұранысқа ие мамандықтар Атласында ІТ саласы бойынша 40 жаңа мамандықтар, 6 трансформацияланудағы мамандықтар, 9 қажетті емес мамандықтар бойынша презентациялары таныстырылды. Жалпы, семинарды өткізген оқытушыларға рахметімізді білдіре отырып, алынған мағлұматтар, ақпараттар өзекті және оқу үрдісінде сапалы білім беру мақсатымен толығымен пайдаланылады деген ойдамыз.
Қаржы және есеп кафедрасы
ПІКІРЛЕР