ФАКУЛЬТЕТ ТҮЛЕКТЕРІ МЕН СТУДЕНТТЕРІ – АТЫРАУ УНИВЕРСИТЕТІНІҢ МАҚТАНЫШТАРЫ!
1995 жылдың 30-тамызында қабылданған Ата заңымыздың құрметіне орай Х.Досмұхамедов атындағы Атырау университетінде «Мен Конституцияны жатқа білемін» атты конкурс болып өтті. Бірегей конкурстың ерекшелігі жеңімпаздар оқу ақысы бойынша жеңілдіктерге ие болады.
Жоғары деңгейде ұйымдастырылған конкурстың нәтижесінде жеңімпаздар ретінде Экономика және құқық факультетінің студенттері танылғанына қуаныштымыз. 6В04201 Құқықтану ББ 3-курс студенті Темирханов Жәңгір Мусағалиұлы І-орынды, 6В04202 Құқық қорғау қызметі ББ 2-курс студенті Әбдеш Медина Айбарқызы ІІ-орынды иеленген болатын.
Білім алумен қатар әртүрлі деңгейде ұйымдастырылатын конкурстарға қатысу талпыныстары жоғары білім алушыларымызға алдағы уақытта да жеңісті күндер тілейміз.
Қазақстанды дамытуда, алдыңғы қатарлы алпауыт мемлекеттердің қатарына көтеру жолында мемлекеттік қызметке қызмет етуге ұмтылатын білімді жастар жетерлік. Мемлекеттік қызмет туралы заңнамасына енгізілген жаңашылдықтардың бірі – жоғарғы оқу орындарын мемлекеттік тапсырыс шеңберінде орташа 3,33 GPA мәнімен аяқтаған үздік түлектердің аудан мен ауылдық деңгейдегі төменгі лауазымдарға конкурстан өтпей уәкілетті органның келісімі негізінде тағайындала алуы болып табылады.
Мемлекеттік тапсырыс шеңберінде Х.Досмұхамедов атындағы Атырау Университетін 6В04201 Құқықтану ББ бойынша 2023 жылы орташа 3,76 GPA мәнімен үздік аяқтаған Василий Жұлдыз Нұрбекқызы уәкілетті органның келісімі бойынша Қызылқоға ауданы Ішкі саясат бөлімінің бас маманы лауазымына конкурстық іріктеусіз тағайындалды. Бұл Атырау университеті, факультетіміз үшін зор мақтаныш. Жұлдыз Нұрбекқызының алдағы қызметіне сәттілік тілейміз.
Баршаңызды Қазақстан Республикасының Конституциясы күнімен құттықтай отырып, еліміздің өркендеуі жолында бірлік, тұрақтылық, амандық тілеймін. Білімді де білікті шәкірттер тәрбиелеу жолындағы еңбегіміз жана берсін!
Экономика және құқық факультетінің деканы, э.ғ.к. Адиетова Э.М.
ПІКІРЛЕР