25.08.2023 52

Бүгін Астанада министрліктің ұйымдастыруымен "Адами капиталдың дамуы ел экономикасы өсуінің негізі" атты Жоғары Білім және Ғылым-2023 республикалық форумы өтуде. Осы форумға ЖОО профессоры және Адам капиталы мәселелерін зерттеуші ретінде үлкен қызығушылық білдіріп, онлайн қатыстым. Спикерлер министр мырза, академик А.Жұмаділдаев, А.Б.Карбозова,  Ж.Н.Нұрманбетова, Д.Н.Смағұлов және т.б корпоративтік басқару тұрғысындағы, заманауи ғылымдағы күрделі мәселелерді ашық көрсетті. Жалпы, адами капитал экономикалық өсуге негіз болатын өндірістік капиталды қорландыруды ынталандырушы фактор ретінде мемлекет, қоғам үшін өте маңызды.  Ауқымды түрде жаһанданған әлемдік дамуда өзіндік орнын жоғалтпау, экономикалық өсуі жағынан артта қалмау, халқының әл-ауқатының төмендеп кетпеу әрбір мемлекеттің басты мәселелері. Қазақстанның стратегиялық құжаттарында, мемлекеттік бағдарламаларында адами капиталға басымдықты мән беріліп келеді. Адами капиталды дамытуда ғылым мен жоғары білім саласының өзіндік үлкен орны болғандықтан "Жоғары білім және ғылым - 2023" форумына "Адами капиталдың дамуы - ел экономикасы өсуінің негізі" тақырыбы негіз етіп алынған. Панелдік сессия экономикалық өсуге  тікелей қатысатын білім беру саласындағы ЖОО-лардың адами капиталды дамытудағы белсенділігін арттыру бағыттарының бірі ретіндегі корпоративтік басқаруды жетілдіру тақырыбына бағытталуы өте орынды, себебі еңбек өнімділігін арттыру адами капиталдың дамуына тікелей байланысты. ЖООда мамандар дайындаудың, ғылыми зерттеулерді жүзеге асырудың сапасын көтеру заманауи корпоративтік басқаруды қажет ететіндіктен, спикерлердің баяндамалары адами капиталға қойылатын талаптар тез өзгеріп жатқан жағдайларға бейімделе жұмыс жасау үшін университеттік корпоративтік басқарудың тиімділігін арттыру, ашықтықты қамтамасыз ету, көрегенді саясат жүргізу мәселелерін қамтыды.


Адиетова Эльмира Мизамгалиевна - экономика ғылымдарының кандидаты, экономика және құқық факультеті деканы

Тізімге қайта оралу