Мәдени және спорттық шаралар

2016 жылдың 8-ші қарашасы күні Х.Досмұхамедов атындағы Атырау мемлекеттік университетінің мәдени-спорт кешенінде Қазақстан Республикасы Тәуелсіздігінің 25 жылдығына арналған

2016 жылдың 8-ші қарашасы күні Х.Досмұхамедов атындағы Атырау мемлекеттік университетінің мәдени-спорт кешенінде Қазақстан Республикасы Тәуелсіздігінің 25 жылдығына арналған студенттер арасындағы факультет аралық спартакиадасының ашылу салтанатты шарасы болып өтті. Бұл шара Атырау университетінде дәстүрлі түрде жыл сайын өткізіліп келеді.

Спартакиада волейбол, боскетбол, кіші аяқ доп, тоғызқұмалақ, үстел теннисі, армрестлинг, шахмат, арқан тартыс сияқты спорт түрлерін қамтиды. Салтанатты шараны қатынасушы студенттер мен келген қонақтарға қош келдіңіздер айтып Х.Досмұхамедов атындағы Атырау мемлекеттік университетінің ғылыми жұмыстар және халықаралық байланыстар жөніндегі проректоры Саламат Идрисов ашты. Одан соң спартакиадаға қатынасушы командалардың салтанатты шеуіне ұласты.

Жарысқа қатынасушы командалар: «Физика, математика және ақпараттық технологиялар» факультеті, «Гуманитарлық ғылымдар және шетел тілдері» факультеті, «Жаратылыстану және ауылшаруашылық ғылымдары факультеті», «Инновациялық білім беру» факультеті, «Өнер және спорт» факультеттері. Салтанатты шара соңында жарыстың бас төрешісі, ҚР еңбек сіңірген жаттықтырушысы, КСРО спорт шебері, «Дене тәрбиесі» кафедрасының меңгерушісі, педагогика ғылымдарының кандидаты, профессор Алпысбай Аралбаев сөз сөйлеп, спортшыларға сәттіліктер тілеп, жарыстың бағдарламасымен таныстырды.

Тізімге қайта оралу