Мәдени және спорттық шаралар

Рио-де-Жанейро қаласында өткен XXXI  олимпиада ойындарының алтын медаль иегері Нижат Рахимов  бүгін Х.Досмұхамедов атындағы Атырау мемлекеттік университетінің студенттері  мен жүздеген жанкүйерлерімен кездесті.

Рио-де-Жанейро қаласында өткен XXXI олимпиада ойындарының алтын медаль иегері Нижат Рахимов бүгін Х.Досмұхамедов атындағы Атырау мемлекеттік университетінің студенттері мен жүздеген жанкүйерлерімен кездесті.

Атырау университетінің спорт кешені 5 қыркүйек күні даңқты Нижат Рахимовты қарсы алу үшін ертемен жастарға, спортшының жанкүйерлеріне лық толды.

Олимпиада жеңімпазы құрметіне арналған арнайы іс-шарада облыс Нұрлан Ноғаев қазіргі кездегі елімізде спорт және бұқаралық спортты дамытудағы жетістіктерді айта келе, спорттық үлкен додадағы ел мерейін көтерген қазақстандық спортшылардың еңбегіне тоқтап, «Бразилияда жарысқа қатысқан 200-ден аса мемлекет арасында 22-ші орынды еншіліген біздің спортшыларымыз барша қазақстандықтардың үмітін ақтай білді. Жеңісіңмен құттықтаймын және әлемдік спорт аренасында биік белестер тілеймін, Нижат, -деп атап өтті.

Облыс басшысы олимпиада жеңімпазы Нижат Рахимовқа Астана қаласынан 3 бөлмелі пәтерді сыйға беріп, олимпияда ойындарына қатысушы Жансель Денизге 2 миллион теңгенің сертификатын табыс етті.

Рио-де-Жанейродағы олимпиадада елімізге алғашқы алтын медалды атыраулық спортшы Нижат Рахимов жеңіп алғанын ерекше атап өтеміз.

XXXI жазғы олимпияда ойындарында Қазақстан атынан 104 спортсмен қатысып, еліміздің құрама командасы 3 алтын, 5 күміс, 9 қола медалды жеңіп алған болатын.

Тізімге қайта оралу